09:28, 04 - شىلدە 2014 | GMT +5
اراب امىرلىكتەرىندە استانانىڭ ينۆەستيتسيالىق تارتىمدىلىعى جايلى جۋرنال شىقتى
ءابۋ- دابي. قازاقپارات - ەلوردا كۇنىن تويلاۋ قارسىڭىندا بىرىككەن اراب امىرلىكتەرىندەگى قازاقستان رەسپۋبليكاسىنىڭ ەلشىلىگى اراب تىلىندە «استانا - قازاقستاننىڭ باسقارۋشى ءارى ءىرى يننوۆاتسيالىق ورتالىعى» جۋرنال شىعاردى.

جۋرنالدا قازاقستان استاناسىنىڭ ينۆەستيتسيالىق مۇمكىندىكتەرى جايلى ايتىلعان. سونىمەن بىرگە، اتالعان باسىلىمنان اراب وقىرماندارى استانانىڭ تۋريستىك ورىندارى جايلى قۇندى ءارى قىزىقتى اقپارات الا الادى. ب ا ءا ازاماتتارى ءۇشىن بۇل قازىرگى ۋاقىتتا قاجەتتى اقپارات بولۋى ءتيىس. ويتكەنى بيىلعى جىلدىڭ 15 شىلدەسىنەن باستاپ ەكى ەلدىڭ اراسىنداعى كەلىسىم نەگىزىندە ب ا ە ازاماتتارى قازاقستانعا ۆيزاسىز كىرە الادى.