وڭتۇستىك قازاقستان وبلىسىندا ءۇش جاسار بالا جۇمادا عايىپتان سۇندەتتەلدى

 استانا. قازاقپارات - وڭتۇستىك قازاقستان وبلىسى سارى اعاش اۋدانىنداعى ەسكى قورعان اۋىلىندا ەرەكشە وقيعا بولدى.
None
None

شەكارا ماڭىندا ورنالاسقان اتالمىش اۋىلدىڭ ءۇش جاسار تۇرعىنى رينات ماحمۇت ۇلىن جۇما نامازىنىڭ الدىندا پەرىشتەلەر سۇندەتتەپتى. بۇل تۋرالى جەرگىلىكتى «زامانا» گازەتىنە سىلتەمە جاساپ «الاش ايناسى» باسىلىمى جازدى.

تاڭعاجايىپ وقيعانىڭ العاشقى كۋاگەرى - ريناتتىڭ اپكەسى جادىرا. ول ءتۇس الەتىندە مازاسىزدانعان ءىنىسىن شومىلدىرىپ، سالقىن بولمەگە ۇيىقتاتادى. سالدەن كەيىن شىرىلداپ جىلاعان داۋىستى ەستىپ، بولمەگە كىرسە، سالۋلى توسەكتە كيىمسىز جاتقان ريناتتى كورەدى. تاڭقالارلىعى سول، ۇيىقتار الدىندا ءوزى كيگىزگەن شالبارى ادام قولىمەن شەشكەندەي، مۇقيات شەشىلىپتى.

«اللاعا شۇكىر، - دەيدى ريناتتىڭ اجەسى اسەمگۇل اپا. - بۇل دا ءبىر جاراتقان يەمىزدىڭ كەرەمەتى بولار. ريناتتىڭ ءوزى دە جۇما كۇنى دۇنيەگە كەلگەن بولاتىن. ەندى، مىنە، قاسيەتتى جۇمادا، جۇما نامازىنا ون مينۋت قالعاندا عايىپتان مۇسىلمان بولىپ وتىر. وسىدان ءبىراز كۇن بۇرىن عانا ءدال وسىلاي سۇندەتتەلەگەن بالا جونىندە گازەتتەن وقىعانىمىزدى ءوزارا اڭگىمە ەتكەن بولاتىنبىز. سونىڭ اسەرى بولار، كەلىنىم نيليۋفار بۇل جاعدايدان ونشا شوشي قويماپتى. جاتقان ورنىندا ەشقانداي دا بەلگى جوق. كەسىلگەن جەرى دە ەكى- ءۇش كۇن بۇرىن بولعانداي جازىلىپ قالعان».

بۇل كەرەمەتتى جاقسىلىققا جورىعان اتاسى تەز ارادا ءبىر مالدى سويىپ، كوپشىلىكتى شاقىرىپ، قۇران باعىشتاتتى.

تاڭقالارلىق وقيعانى ەستىگەن مۇسىلمانشا ساۋاتى بار كىسىلەر عايىپتان سۇندەتتەلۋدى سيرەك كەزدەسەتىن اللانىڭ كەرەمەتىنە بالايدى. بۇگىندە ريناتتى ارنايى بارىپ كورىپ، قۇتتى بولسىن ايتۋشىلار وتە كوپ.

ال اتا-اناسى بوزسۋ اۋىلىنداعى مەشىتتىڭ يمامى نۇرماحان ءابدىراحمان ۇلىنىڭ ايتۋىمەن ريناتتى ەندىگى جەردە ءابدوللا دەپ اتاۋدى ۇيعارىپ وتىر.

سوڭعى جاڭالىقتار