09:14, 04 - شىلدە 2014 | GMT +5
قىتايلىق ستۋدەنتتەر تۇلەكتەر كەشىنە توي كويلەگىن كيۋدى سانگە اينالدىرۋدا - فوتو
استانا. قازاقپارات - قىتايلىق ستۋدەنتتەر ءبىتىرۋ كەشىنە ءداستۇرلى اكادەميالىق كيىمدى ەمەس، اق توي كويلەگىن كيە باستادى، دەپ جازادى The Independent.

وسى جازدا قىتايلىقتاردىڭ جاڭا سانگە دەگەن قىزىعۋشىلىقتارى ارتا تۇسۋدە. سونىڭ ناتيجەسى شىعار، ءبىتىرۋ كەشىنىڭ سۋرەتتەرىندە اپپاق كويلەك پەن تيارا كيگەن كوپتەگەن «قالىڭدىقتاردى» كورۋگە بولادى، دەپ حابارلادى Gazeta.ru سىلتەمە جاساي وتىرىپ Day.Az.
شيان قالاسىنىڭ پوليتەحنيكالىق ۋنيۆەرسيتەتىنەن ستۋدەنت ليۋ سيانپين توي كويلەگى «ەرەكشە اسەر بەرەتىنىن» ايتتى. ءوز كەزەگىندە ورمان شارۋاشىلىعى سولتۇستىك- شىعىس ۋنيۆەرسيتەتىنەن (حاربين) تسزان سيۋەحۋەي مۇنداي ءسان ۇلگىسى وقۋ ءبىتىرۋدى ەرەكشە مەرەكەلەۋگە سەبەپ بولاتىنىن جەتكىزدى.