08:47, 04 - شىلدە 2014 | GMT +5
كۇيزەلىس جۇقپالى ما؟
استانا. قازاقپارات - ۆاشينگتون ۋنيۆەرسيتەتىنىڭ ماماندارى كۇيزەلىس تۇماۋ سياقتى جۇقپالى بولۋى مۇمكىن دەگەن پىكىر ايتۋدا، دەپ جازادى شەتەلدىك ب ا ق.

ول اينالاسىنداعى باسقا ادامدارعا ينتوناتسيا، بەت الپەتى، ءيىس ارقىلى جۇعۋى مۇمكىن.
عالىمدار زەرتتەۋ جۇرگىزۋ بارىسىندا تاجىريبەگە قاتىسىپ جاتقان ادامداردى ءدارىس تىڭداۋعا الىپ كەلگەن. ولاردىڭ ءبىر توبىنا ءدارىس وقىتسا، كەلەسى توبى ءدارىستى تىڭداعان.
ءدارىس وقىعانداردىڭ كەيبىرىندە كۇيزەلىس بەلگىلەرى بايقالعان جانە بۇل جاعدايدىڭ تىڭدارماندارعا اسەرى باقىلاۋعا الىندى.
عالىمدار تاجىريبە جۇرگىزۋ بارىسىندا ەكى توپتىڭ دا كۇيزەلىستى باسىنان كەشىرگەنىن انىقتادى. ەڭ قىزىعى، ادام نەعۇرلىم قاتتى كۇيزەلىسكە بەرىلسە، اينالاسىنداعىلارعا دا قاتتى اسەر ەتەتىن كورىنەدى.
وسىلايشا، ماماندار كۇيزەلىستى سونداي جاعدايدى باسىنان كەشىرىپ وتىرعان قاسىڭداعى ادامنان وپ-وڭاي «جۇقتىرىپ» الۋعا بولاتىنىن دالەلدەدى.