مال ىزدەيمىن دەپ، شەكارا بۇزدى - ب ق و

ورال. قازاقپارات - قازتالوۆ اۋداندىق سوتى ق ر ق ك 330-بابى 1-بولىگىنە سايكەس ەل شەكاراسىنان قۇجاتسىز جانە رۇقساتسىز وتكەن س. فايزۋللينگە قاتىستى ۇكىم شىعاردى.
None
None

ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، كازتالوۆ اۋدانىنىڭ تۇرعىنى فايزۋللين رۇقساتسىز جانە قۇجاتسىز قازاقستان-رەسەي شەكاراسىن كەسىپ ءوتىپ، ساراتوۆ وبلىسى اۋماعىنا باعىت العان.

جارتى ساعاتتان كەيىن ەر ادام كەرى ءوتىپ، ەندى رەسەي-قازاقستان شەكاراسىن كەسىپ وتكەن.

تەرگەۋ جانە سوت وتىرىسى بارىسىندا فايزۋللين ءوز ارەكەتىن جايىلىمدا ءجۇرىپ، رەسەي اۋماعىنا شىعىپ كەتكەن مالىن كەرى قايتارۋ ءۇشىن وسىنداي ارەكەتكە بارۋعا تۋرا كەلگەندىگىمەن ءتۇسىندىردى.

سوت ۇكىمىمەن فايزۋللين ايىپتى دەپ تانىلىپ، وعان شارتتى 1 جىل سىناق مەرزىمى بەلگىلەندى.

اۆتور: ەلجان ەرالى

سوڭعى جاڭالىقتار