بيىلعى اشىق الاڭدا وتەتىن الامان ايتىسقا كىمدەر قاتىسپاق؟

حانشاتىر ماڭىنداعى اشىق الاڭدا وتەتىن ايتۋلى دودانىڭ بىلتىرعى ءدۇبىرى كوپشىلىك كورەرمەننىڭ ءالى ەسىندە بولار. ەكى كۇنگە سوزىلعان ايتىستا جاقسىلىق ورىنباسار مەن رينات زايىتوۆ ءبىر- بىرىنە ءبىر ۇپاي دا ۇتقىزباي مارەگە قاتار جەتىپ، باس جۇلدەنى قاق ءبولىپ الىپ ەدى. ەستەرىڭىزدە بولسا سول ايتىسقا جينالعان كورەرمەن اق شاتىردىڭ استىنا سىيماي قالىپ ەدى. بىلايشا ايتقاندا دالاعا سىيماي قالدى دەۋگە بولادى.
مىنەكي، سول ايتىس بيىل التىنشى رەت وتكەلى وتىر. استانامىزدىڭ ون التى جىلدىعىنا ارنالعان بۇل دوداعا كىمدەر قاتىسپاق؟ وسى ايتىستى ۇيىمداستىرىپ جۇرگەن ايتىسكەر اقىن سەرىك قاليەۆتەن اقىندار ءتىزىمىن العان ەدىك. ەندەشە سول ايتىس الامانىندا باق سىنايتىن جۇيرىكتەرىمىزدىڭ ەسىمدەرىن بىلە جۇرىڭىزدەر.
جاقسىلىق ورىنباسار - استانا قالاسى ، اليك بەكمۇسايەۆ - جامبىل وبلىسى، كاريما ورالوۆا - وڭتۇستىك قازاقستان وبلىسى ، ازامات مالجانباي - قوستاناي وبلىسى ، سماعۇل جۇمادىل - الماتى وبلىسى ، مۇحتار نيازوۆ - قىزىلوردا وبلىسى ، ساكەن ورىنباسار ۇلى - الماتى قالاسى ، اياۋلىم جۇمابەك قىزى - الماتى وبلىسى ، دارحان ءابدىماناپ - جامبىل وبلىسى ، ماقسات احانوۆ - قاراعاندى وبلىسى ، فارحات مارات ۇلى - الماتى قالاسى ، ايساۋلە بەيسەنحان - استانا قالاسى، قازىبەك بايجۇمانوۆ - شىعىس قازاقستان وبلىسى ، ەلدار يحسانوۆ - باتىس قازاقستان وبلىسى ، ەرجەڭىس ابديەۆ - قىزىلوردا وبلىسى ، سادات نۇرمانوۆ - اتىراۋ وبلىسى.
ايتىسقا اسىعىڭىزدار اعايىن!
kazaitys.kz/kz