قىتاي ا ق ش-تان ەلدىڭ ىشكى شارۋاسىنا ارالاسپاۋىن سۇرادى

استانا. قازاقپارات- قىتاي امەريكا قۇراما شتاتتارىن وزگە ەلدەردىڭ ىشكى تۇيتكىلىنە ارالاسپاۋعا ۇندەدى. ماسەلە گونكونگقا قاتىستى.
None
None

قىتاي سىرتقى ىستەر مينيسترلىگىنىڭ باسپا ءسوز حاتشىسى، ورىن الىپ جاتقان جاعداي ەلدىڭ ىشكى شارۋاسى ەكەنىن جانە ەشبىر مەملەكەتكە ارالاسۋعا جول بەرمەيتىندەرىن مالىمدەدى.

 بۇل ا ق ش مەملەكەتتىك دەپارتامەنتى وكىلىنىڭ مالىمدەمەسىنە بەرىلگەن جاۋاپ دەسە دە بولادى. مەري حارف امەريكا - دەموكراتيالىق قۇقىقتىڭ كەڭىرەك قانات جايۋىن تالاپ ەتكەن گونكونگ (شياڭگاڭ) حالقىن قولدايدى دەگەن ەدى.

 ەسكە سالا كەتسەك، بىرەر كۇن بۇرىن گونكونگتا قارسىلىق اكسياسى ۇيىمداستىرىلىپ، شەرۋگە مىڭداعان ادام شىققان بولاتىن. ولار قىتاي بيلىگىنەن 2017 - جىلى وتەتىن مەر (قالا باشىسى) سايلاۋىنا قاتىسۋعا قۇقىق بەرۋلەرىن تالاپ ەتتى.

 ايتا كەتەيىك، قازىر گونكونگ باسشىسىن قۇرامىندا 1200 ادامى بار ارنايى كوميتەت تاڭدايدى. الايدا قىتاي الداعى سايلاۋدا تۇرعىندارعا قالا باسشىسىن تاڭداۋ مۇمكىندىگىن بەرۋگە ۋادە ەتتى.

 حۋن لەي، ق ح ر س ءى م باسپا ءسوز حاتشىسى:

 گونكونگتاعى ساياسي جۇيەنىڭ دامۋى - قىتايدىڭ ىشكى شارۋاسى. بيلىك وزگە ەلدەرگە ءوز ىسىنە ارالاسۋعا جول بەرمەيدى. گونكونگتىڭ ىشكى شارۋاسىنا قاتىستى ءتۇرلى مالىمدەمەلەردى جاساۋدى دوعارۋ كەرەك.

 «استانا» ارناسى

سوڭعى جاڭالىقتار