16:57, 03 - شىلدە 2014 | GMT +5
قارجى پوليسياسى قاراعاندىنىڭ بۇرىنعى اكىمىنە قاتىستى قىلمىستىق ءىس قوزعادى
استانا. قازاقپارات - 2014 - جىلعى 24 - ماۋسىمدا قاراعاندى وبلىسى بويىنشا قارجى پوليسياسى دەپارتامەنتى قاراعاندى قالاسىنىڭ بۇرىنعى اكىمى مەيرام سماعۇلوۆقا قاتىستى قىزمەتتىك وكىلەتتىگىن تەرىس پايدالانۋ فاكتىسى بويىنشا قىلمىستىق ءىس قوزعادى،

دەپ حابارلادى قارجى پوليسياسىنىڭ باسپا ءسوز قىزمەتى.
وعان 2013 - جىلى «يۋتەكس» ج ش س ديرەكتورىنا وسى كاسىپورىننىڭ ەسەبىنەن قاراعاندى قالاسىنداعى ءوزىنىڭ جەكە ءۇيىن جوندەۋدى زاڭسىز تاپسىرعان دەگەن كۇدىك تاعىلۋدا.
بۇل قۇرىلىس كومپانياسى مەملەكەتتىك نەسيەلىك ۇيلەردى سالۋدىڭ مەردىگەرى بولعان.
الدىن- الا ەسەپتەۋ بويىنشا سماعۇلوۆتىڭ ۇيىندە «يۋتەكس» ج ش س- مەن جاسالعان جوندەۋ جۇمىستارىنىڭ قۇنى 5 ميلليون تەڭگەدەن استام سومانى قۇرادى.
قىلمىستىق ءىس تەرگەلۋدە، وزگە اقپارات تەرگەۋ مۇددەسىنە بايلانىستى جاريالانبايدى.
مەيرام سماعۇلوۆ