11:16, 05 - شىلدە 2014 | GMT +5
استانا ەۋروپا مەن ازيانىڭ گاۋھار تاسىنا اينالدى - ليتۆا پرەزيدەنتى
استانا. قازاقپارات - بۇگىندە قازاقستان حالقى استانا كۇنىن تويلاۋدا. ويتكەنى، ەلوردانىڭ تۋعان كۇنى - جالپى حالىقتىق مەرەكە. استانا قازاقستان حالقىنىڭ رۋحاني ورلەۋىنىڭ تىرەگىنە، بىرلىگى مەن ىنتىماعىنىڭ بەلگىسىنە، ەلىمىزدىڭ جاسامپاز جەڭىستەرىنىڭ كورىنىسىنە جانە قازاقستاندىق ارماننىڭ ىسكە اسۋىنىڭ ايقىن دالەلىنە اينالدى.

«قازاقپارات» حالىقارالىق اقپاراتتىق اگەنتتىگى مەملەكەتتىك، قوعامدىق جانە ءدىني قايراتكەرلەردىڭ قازاقستان جانە ونىڭ ەلورداسى جايلى قۇتتىقتاۋلارىن، پىكىرلەرى مەن تىلەكتەرىن سىزدەردىڭ نازارلارىڭىزعا ۇسىنادى.
«قازاقستاننىڭ جەتىستىگى - از ۋاقىتتىڭ ىشىندە استانا ەۋروپا مەن ازيانىڭ جانە سىزدەردىڭ مەملەكەتتەرىڭىزدىڭ گاۋھار تاسىنا اينالدى. بۇل پرەزيدەنتتەرىڭىز بەن حالقىڭىزدىڭ قوسقان ۇلەسى. بۇل سىزدەردىڭ ەلدەرىڭىزدىڭ قارقىندى دامىپ، بۇل ايماقتىڭ ورتالىعىنا اينالىپ جاتقانىن كورسەتەدى. مەملەكەتتەرىڭىز تەز دامىپ، الەمدىك ارەنادا ماڭىزدى ورىن العانى قۋانتادى» ، - دەگەن ليتۆا پرەزيدەنتى داليا گريباۋسكايتە ءوز قۇتتىقتاۋىندا.