قازاقستاندا جاڭا سپورت ءتۇرى پايدا بولدى

استانا. قازاقپارات - قازاقستاندا جاڭا سپورت ءتۇرى پايدا بولدى - بامپەر بول. بۇل ويىنعا قاتىسۋشىلار ارنايى سفەرالاردى كيىپ الىپ، قارسىلاسىنىڭ قاقپاسىنا دوپ سوعۋعا تىرىسادى.
None
None

 فۋتبولدىڭ ەرەكشە ءتۇرى كوپتەگەن شەت مەملەكەتتەرىن باعىندىرىپ ۇلگەردى. ەندى استانا كۇنى قارساڭىندا قالا تۇرعىندارى مەن قوناقتارىنىڭ نازارىنا ۇسىنىلماق.

ەرەكشە فۋتبولدىڭ ءبىرىنشى ماتچى 2011 - جىلدىڭ سوڭىندا نورۆەگيادا وتكەن بولاتىن. سودان بەرى اتتراكتسيون حالىق اراسىندا كەڭىنەن تانىمال. ويىن بارىسىندا «فۋتبولشىلاردىڭ» اياعى عانا بوس بولادى، سوندىقتان تەپە- تەڭدىكتى ساقتاۋ قيىن. شارمەن فۋتبول ويناۋدىڭ بار قىزىعى دا سول. ءتىپتى، جارىس سۋمو بالۋاندارىنىڭ كۇرەسىنە دە ۇقسايدى. ويىننىڭ ۇزاقتىعى - 30 مينۋت. وعان 5 جاستان جوعارى بالالاردىڭ دا قاتىسۋىنا بوالدى. بۇل سپورت تۇرىندە جاراقاتتار بولمايدى.

مەرەكەلىك شارا 5, 6, 7 - شىلدەدە «قازاق ەلى» مونۋمەنتىنىڭ الدىنداعى الاڭدا وتەدى، دەپ حابارلايدى استانا اكىمدىگىنىڭ رەسمي پورتالى.

سوڭعى جاڭالىقتار