ا ق ش ازاماتى قازاقستاندا قىتايمەن اراداعى شەكارادا ۇستالدى

استانا. قازاقپارات - ا ق ش ازاماتى قازاقستاندا قىتايمەن شەكارالاس جەردە كەلۋ ەرەجەلەرىن بۇزعانى ءۇشىن ۇستالدى، دەپ حابارلادى ق ر ۇ ق ك شەكارا قىزمەتىنىڭ باسپا ءسوز قىزمەتى.

كاليفورنيا شتاتىنىڭ 26 جاستاعى تۇرعىنىن ر. باتىرحانوۆ اتىنداعى كۇرشىم شەكارا جاساعىنىڭ شەكارالىق زاستاۆاسى ۇستادى.

«وزىمەن بىرگە مەرزىمى اسىپ كەتكەن يمميگراتسيالىق جانە تۋريستىك ۆيزالىق كارتوچكاسى بولعان. سونىمەن قاتار قولىندا ينتەرنەتتەن باسىلىپ شىعارىلعان ق ح ر-عا قاراي قوزعالۋ باعىتى كورسەتىلگەن شەكارالىق كومەنداتۋرا سىزبالارى مەن ورىس، قازاق، قىتاي جانە موڭعول تىلدەرىنىڭ سوزدىكتەرىنەن ۇزىندىلەر بار بولىپ شىقتى. ا ق ش ازاماتىنىڭ ايتۋىنا قاراعاندا، ول اقتاۋ-استانا - وسكەمەن - قاتونقاراعاي - ۋرىل باعىتى ارقىلى كەلىپ، جاپونياعا وتپەك بولعان»، - دەلىنگەن تاراتىلعان باسپا ءسوز بايانىندا.

اتالعان فاكتى بويىنشا تەكسەرۋ جۇرگىزىلۋدە. ق ر ا ق ك 394-بابىنىڭ 1-تارماعى «شەتەلدىك ازاماتتىڭ نەمەسە ازاماتتىعى جوق تۇلعانىڭ ق ر-عا كەلۋ ەرەجەلەرىن بۇزۋ» بويىنشا جازاعا تارتۋ جوسپارلانىپ وتىر، دەپ حابارلادى شەكارا قىزمەتى.