پرەزيدەنت ەلىمىزدىڭ جوعارى اسكەري وقۋلارىن ۇزدىك بىتىرگەن تۇلەكتەرگە اسكەري شەن تاپسىردى - فوتو

 استانا. قازاقپارات - بۇگىن ەلباسى نۇرسۇلتان نازاربايەۆ استانا كۇنىن مەرەكەلەۋدىڭ باستالعانىن بىلدىرەتىن مەملەكەتتىك تۋدى كوتەرۋ سالتاناتتى راسىمىندە ءداستۇرلى تۇردە ەلىمىزدىڭ جوعارى اسكەري وقۋلارىن ۇزدىك بىتىرگەن تۇلەكتەرگە وفيتسەرلىك شەنىن تاپسىردى.
None
None

اتاپ ايتقاندا، ق ر قارۋلى كۇشتەرىنىڭ جوعارعى باس قولباسشىسى ن. نازاربايەۆ راديو-ەلەكترونيكا جانە بايلانىس اسكەري ينجەنەرلىك ينستيتۋتىنىڭ تۇلەكتەرىنە، قۇرلىق اسكەرى اسكەري ينستيتۋتىنىڭ تۇلەكتەرىنە، ق ر ۇ ق ك شەكارا قىزمەتى اكادەمياسىنىڭ تۇلەكتەرىنە، ق ر ت ج م كوكشەتاۋ تەحنيكالىق ينستيتۋتىنىڭ تۇلەكتەرىنە، ق ر ۇلتتىق ۇلان اسكەري ينستيتۋتى تۇلەكتەرىنە وفيتسەر پوگونىن تاپسىردى.

«ءار ۋاقىتتا بايراق قارۋلى كۇشتەردىڭ باعالايتىن ءرامىزى بولىپ سانالادى. سوندىقتان جاس كۋرسانتتارعا وسى جەردە العاشقى اسكەري شەن تاپسىرۋ سيمۆولىنىڭ ءمانى وتە زور. قاسيەتتى اتامەكەننىڭ تورىنە تىگىلگەن مەملەكەتتىك تۋ الدىندا وفيتسەر اتانۋ ەرەكشە قۇرمەت. ەلدى قورعاۋ - ءوز اتا-اناڭدى، جان ۇياڭدى، بالا-شاعاڭدى، تۋعان-تۋىسقاندارىڭدى قورعاۋ. سوندىقتان سىزدەردى مەملەكەت وقىتىپ، وسىنداي دارەجەگە جەتكىزىپ، ساردار وفيتسەر ەتىپ تاربيەلەپ، شەن بەرۋگە جەتكىزىپ وتىر»، - دەدى ەلباسى لەيتەنانت شەنىن بەرۋ بارىسىندا.

اۆتور: رۋسلان عابباسوۆ
 
3

4 

5 

2    

سوڭعى جاڭالىقتار