08:48, 03 - شىلدە 2014 | GMT +5
امەريكادا قازاقستاننىڭ مادەنيەت كۇندەرى باستالدى
استانا. قازاقپارات - ەلىمىزدىڭ مادەنيەت كۇندەرى ا ق ش-تىڭ الەمگە تانىمال «كارنەگي حولل» زالىندا «قازاقستان امەريكادا: ماڭگى دالانىڭ سيقىرلى اندەرى» اۋقىمدى كونسەرتتىك باعدارلاماسىمەن ءساتتى باستالدى، دەپ حابارلادى ق ر س ءى م باسپا ءسوز قىزمەتى.

قازاقستاننىڭ وتاندىق ونەر مايتالماندارىنىڭ كونسەرتى ۆاشينگتونداعى كەننەدي ورتالىعىندا جالعاسىن تابادى.
بۇل شارانى قازاقستان رەسپۋبليكاسىنىڭ مادەنيەت مينيسترلىگى ا ق ش-تاعى ەلشىلىكتىڭ، ب ۇ ۇ جانىنداعى تۇراقتى وكىلدىك پەن نيۋ-يوركتەگى باس كونسۋلدىقتىڭ قاتىسۋمەن ۇيىمداستىردى.
كونسەرت سونىمەن بىرگە قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋ ناۋقانىنىڭ جوعارى قارقىنعا يە بولۋىنا، سونداي-اق، استانادا ەكسپو-2017 وتكىزۋگە ورايلاستىرىلعان.
كونسەرتتە ب ۇ ۇ-نىڭ باس حاتشىسى پان گي مۋن جۇبايىمەن جانە بۇكىل الەمدىك ۇيىم جانىنان تىركەلگەن ا ق ش-تىڭ ءىرى قالالارىنداعى ديپلوماتيالىق كورپۋس وكىلدەرى بولدى.