ساراپشىلار قازاقستاندا ەڭ «ىستىق» بوس جۇمىس ورنىن انىقتادى

قورىتىندى بويىنشا، جۇمىستاردىڭ ىشىندەگى ەڭ تانىمالى قورقور جۇمىسى بولىپ شىقتى. سونىمەن قاتار، بيىلعى جازدا «ىستىق» بوس جۇمىس ورىندارىنىڭ تىزبەگىنە كاۋاپشى مەن جارناما جاپسىراتىن قىزمەتتەر كىردى.
وعان قوسا، شار ساتۋشى، فۋتبول جاتتىقتىرۋشىسى جانە اتتراكسيون وپەراتورلارىنىڭ سانى تاپشى. اتتراكسيوندا، جاعاجاي مەن شيپاجايدا انيماتور، لاگەردە باسشى، كەمەدە جۇرگىزۋشى جانە ساياجايدى قاراۋدا كومەكشى بولعىسى كەلەتىن ادامدارعا جۇمىس وڭاي تابىلادى.
«شارۋاشىلىققا كوپتەپ كوڭىل بولىنەدى. سول سەبەپتى ساياجايدى كۇتۋدە كومەكشى جانە قويشى سياقتى بوس جۇمىس ورىندارى بار ەكەندىگىن كورىپ وتىرمىز. بۇنداي ۇسىنىستاردىڭ وزىندىك تيىمدىلىگى دە بار.
بۇل سالادا تەك ماماندار عانا ەمەس ستۋدەنتتەر مەن وقۋشىلار دا جۇمىس ىستەۋ مۇمكىندىگىنە يە بولادى. جۇمىس بەرۋشىلەردىڭ باسىم بولىگى اقپاراتتاردى job-پورتالىنا ەنگىزەدى. ول ءوز كەزەگىندە ۋاقىتشا جۇمىس ىزدەپ جۇرگەندەرگە وتە قولايلى ءارى قولجەتىمدى»، - دەدى HeadHunter قازاقستان كومپانياسىنىڭ PR جانە ماركەتينگ ءبولىمىنىڭ باسشىسى اسەل بەجەنوۆا.
زەرتتەۋ جۇمىستارى 1 - مامىر مەن 2 - شىلدە ارالىعىندا جۇرگىزىلدى.
«الماتى» تەلەارناسى