ورالداعى سوڭى داۋعا اينالعان ويىن

استانا. قازاقپارات - ورالدا وتكەن ۇلتتىق دەلفي ويىندارىنىڭ سوڭى ۇلكەن داۋعا اينالدى.
None
None

جارىس ءار جىل سايىن قازاقستاننىڭ ءبىر قالاسىندا وتكىزىلىپ وتىرادى.

بۇل، كوركەمونەر مەن كلاسسيكانى، ۇلتتىق ونەر مەن زامانۋي جانردى بىرىكتىرەتىن الەمدەگى جالعىز سايىس.

500 گە جۋىق قاتىسۋشى مەن 16 دەلەگاتسيا كەلگەن جارىس بىرنەشە كۇنگە سوزىلعان ەدى. ءبىراق ۇلتتىق ويىنداردىڭ اياعى شۋعا ۇلاستى. ۇيىمداستىرۋشىلار قىزمەت كورسەتكەن مەيرامحانا مەن ءدامحانالاردىڭ اقىسىن تولەمەگەن.

ءبىر جىل بويى سايىسقا دايىندالعان جاستار شىعارماشىلىقتارىن تارتۋ ەتىپ، تالانتتارىن بارىنشا كورسەتۋگە تىرىسىپ باققان. ءتىپتى انشىلەر شاقىرتىلىپ، وتشاشۋ دا بولعان. ءبىر قاراعاندا ۇيىمداستىرىلۋى دا وسال ەمەس كورىنگەن.

ءبىراق بەس جۇزگە جۋىق قاتىسۋشىنى قابىلداپ، تاماقتاندىرعان مەيرامحانالار مەن ءدامحانا، تۇنگى كلۋب قوجايىندارى ءتيىستى اقىلارىن الا الماعاندا، ناعىز داۋ تۋىندادى.

جەمىس سارسەنعاليەۆا، ءدامحانانى جالعا الۋشى:

بىزبەن كەلىسىم-شارتقا ساجيدا وتىرعان. ول قازىر اقشامەن بىرگە قاراسىن باتىردى. كەيبىر اقپاراتتار بويىنشا، ول استانادان بولىنگەن قارجىنى ورالداعى بانكتەردىڭ بىرىندە قولما-قول اقشاعا اۋدارعان.

دەلفي كوميتەتىنىڭ اتقارۋشى ديرەكتورى ساجيدا سايتبايەۆا قىزمەت كورسەتكەندەرگە تولەنەتىن قارجىمەن بىرگە ءىز-ءتۇسسىز جوعالىپ كەتكەن. ال قوناقتاردى كۇتكەن قوعامدىق ورىندارعا بەرەشەك قارجى 800 مىڭ تەڭگەدەن ءبىر جارىم ميلليونعا جەتەدى. كەلىسىلگەن اقشانى دەر كەزىندە الا الماعان ازاماتتارعا تەك 200 مىڭ تەڭگەدەن عانا تولەنىپتى.

وتەگەن مۇحامبەتقاليەۆ، جارناما اگەنستۆاسىنىڭ ديرەكتورى:

بىزگە ويىنداردىڭ ءتورايىمى ساجيدا حابارلاسىپ، تەز ارادا جارناماعا تاپسىرىس بەرگىسى كەلەتىنىن ايتتى. مەن بىردەن كەلىسىمشارت تۋرالى سۇرادىم. قورىقپاڭىزدار، دايىنداپ ۇلگەرەمىز دەپ سەندىردى. اقىرى تەلەفونىن ءوشىرىپ تاستاپ، جوق بولىپ كەتتى. مىنە، ءالى كۇنگە حابارلاسا الماي ءجۇرمىز.

ال دەلفي كوميتەتىندەگىلەر ساجيدا حانىمنىڭ حابارسىز كەتكەنىن راستاپ وتىر. تەك اقى ءبىلىم مينيسترلىگىنەن تولەنەتىندىكتەن، ەسەپشوتقا ەشقانداي اقشانىڭ تۇسپەگەنىن ايتادى. ياعني ءتورايىمنىڭ اقشانى الۋى مۇمكىن دەگەن بولجامدى جوققا شىعارادى. ال ۇلتتىق ويىنداردى اياقتاپ، استاناعا جول تارتقان كوميتەت قىزمەتكەرلەرىن اقىسىز قالعان كاسىپكەرلەر مەن تىلشىلەر اۋەجايدا كۇتىپ تۇرعان ەدى. ءبىراق دۇرىس جاۋاپ بەرەتىن ادام بولمادى.

ءدال وسى قۇرالاي تۇسپيكوۆا كەشە عانا بارلىق كەلىسىم-شارتتارعا قول مەن ءمور قويىپ بەرگەن. ءبىراق بۇل قۇجات زاڭسىز بولىپ شىققان. ويتكەنى، و باستا بارلىق كەلىسىم ساجيدا سايتبايەۆانىڭ اتىمەن دايىندالعان. ال، ۇلتتىق دەگەن شارانىڭ تاپسىرىسىن قابىلداعان كاسىپكەرلەر ەندى ءتيىستى ورگاندارعا شاعىم تۇسىرمەك.

31.kz

سوڭعى جاڭالىقتار