پاتشا دا پارىزىن وتەگەن

استانا. قازاقپارات - ۆاۆيلون باسقارۋشىسى جىل سايىن «قايتا سايلاۋ» ءراسىمىن وتكىزگەن.
None
None

بۇل ءۇشىن ول ماردۋك شىركەۋىنە كەلىپ، ءوزى ەل باسقارعان ۋاقىتتا ەش جاماندىق جاساماعانىن حالىق الدىندا مالىمدەپ تۇرعان.

جەرگە تىزەرلەپ وتىرعان ونى ءدىن وكىلدەرى ءتۇرلى سىناققا العان.

وسى سەكىلدى توسىن راسىمدەردەن سوڭ، ول پاتشالىق ەتۋدى قايتا جالعاستىراتىن بولعان.

ابدۋل كاسسيم يسمايل -  X عاسىردا پەرسياداعى ۇلى تۇلعالاردىڭ ءبىرى بولعان. بارىنەن قىزىعى، ول قايدا جۇرسە دە بۇكىل كىتاپحاناسىن وزىمەن بىرگە الىپ جۇرەدى ەكەن. 117 مىڭ كىتاپتى تۇيەگە ارتىپ ساپارعا شىعۋ قانداي بولارىن كوز الدىڭىزعا ەلەستەتىپ كورىڭىزشى! ءتىپتى كىتاپتى الفاۆيت بويىنشا ورنالاستىرعان.

ومىردە سان ءتۇرلى قىزىقتى زاڭدار جەتكىلىكتى. ولاردىڭ ءبىرقاتارى مىناداي. 2011 - جىلى قىتاي ۇكىمەتى ءبىر فەرمەردى ءومىر بويى تۇرمەگە قاماپ، 302000 دوللار ءوندىرىپ الۋعا شەشىم شىعارعان.

ويتكەنى ول 2008-2009 - جىلدارى اسا جىلدام جۇرەتىن جولدا جۇرگەنى ءۇشىن سالىقتان جالتارۋدى ۇيعارىپ، كولىگىنە قولدان جاسالعان اسكەري ءنومىردى پايدالانعان. مۇنى شەنەۋنىكتەر ادام ءولتىرۋ مەن ايەل زورلاۋدان دا اۋىر قىلمىس دەپ باعالاعان.

2011 - جىلى اقپاندا مالاۆيا پرەزيدەنتى بينگۋ ۆا مۋتاريكا قوعامدىق ورىنداردا «اۋانى بۇلدىرگەندەردى» جازالاۋ كەرەكتىگى تۋرالى زاڭعا قول قويعان. زاڭ ناقتىراق ايتقاندا «ازاماتتار ءۇشىن ءتارتىپ جانە ءوزىن-ءوزى قاداعالاۋ تۋرالى» دەپ اتالادى. وسى زاڭعا ساي ءبىرىن-ءبىرى جەكپە-جەككە شاقىرعاندار، زيراتتاردا تىنىشتىق ساقتاماعاندار، ايەلدەردى عايباتتاعاندار دا جازالاناتىن بولعان.

وسى سەكىلدى قىزىق قۇبىلىستاردىڭ ءبىرقاتارى امەريكادا. بۇل ەلدە زاڭدار ءوزىنىڭ جان-جاقتىلىعىمەن تاڭداي قاقتىرادى. ايتالىق، لوس-اندجەلەس قالاسىندا قۇرباقانى سيپاۋعا تىيىم سالىنعان. سەبەبى ءبىرقاتار قۇرباقالاردىڭ تەرىسىندە گالليۋتسينوگەندەر بار. ونى ناشاقورلار ءتيىمدى پايدالانا بىلگەن.

نوركو قالاسى تۇرعىندارىنا ءمۇيىزتۇمسىق اسىراۋعا تىيىم سالىنعان. ويتكەنى ول قوعامدىق ورتاعا قاۋىپ توندىرەدى. قالا تۇرعىندارى ءيت، مىسىق، تىشقان سەكىلدى حايۋاناتتاردى ايتپاعاننىڭ وزىندە قولتىراۋىن، شوشقا ۇستايدى. ولاردىڭ قايسى ءبىرى ۇيدەن قاشىپ كەتەدى. اڭداردى ۇستاپ، يەسىنە تاپسىرۋ دا وڭاي شارۋا ەمەس. بىردە بەتالدى كەتكەن ءمۇيىزتۇمسىقتىڭ ءبىرى ەلدىڭ اۋلاسىن بىلعاپ، باۋ-باقشاسىن تالقانداعان. وسىنداي توسىن جاعدايلاردان ساقتانعان جەرگىلىكتى بيلىك قاۋىپ توندىرەتىن حايۋاناتتاردى ۇستاۋعا قارسى.

جولدا جۇرگەن كولىكتىڭ ءارقايسىسى ادام ءۇشىن قاۋىپ توندىرەدى. سول سەبەپتى كولىك رۋلىندە وتىرعان جۇرگىزۋشىلەردىڭ ساق بولۋى ءۇشىن قانداي جارنامانى پايدالانعان ءجون. وسى جاعىن ويلاعان امەريكالىق جول پوليتسياسى جارناما كومپانيالارى اراسىندا بايگە جاريالاعان. ول قولىنا ۇيالى تەلەفون ۇستاعان جۇرگىزۋشىلەردىڭ ۇرەيىن ۇشىرۋى ءتيىس-تۇعىن.

شىن مانىندە، ونداي جارناما تابىلدى. ول ۇيالى تەلەفوننان شاشىراعان قان. راسىندا دا، وتە قورقىنىشتى عوي...

تاعى ءبىر جارناما ۇيقىنىڭ قاۋىپتىلىگىن ەسكەرتەدى. «ۇيقى سىزدەن دە كۇشتى» دەپ اتالاتىن مىنا سۋرەت بالەدەن ماشايىق قاشىپتى دەگەندى ەسكە سالادى. ەڭ تىنىشى كىرپىك ىلىنە باستاعاندا ۇيىقتاپ، تىنىعىپ العان سوڭ عانا جولعا شىعۋ. بۇل كولىك رۋلىنە وتىرعان كەز كەلگەن ازاماتتى ساقتاندىرادى.

نورۆەگيانىڭ لونگيير قالاسىندا وسى اۋماقتا ولۋگە تىيىم سالاتىن زاڭ بار. ەگەر الدەكىم اۋىر جاعدايدا جاتسا، توسىن وقيعادان سوڭ ءولىم حالىندە بولسا، ول لەزدە نورۆەگيانىڭ باسقا اۋماعىنا جەتكىزىلەدى. سول جاقتا كوز جۇمىپ، قارا جەرگە بەرىلەدى.

ەكىنىڭ ءبىرى اسىرايتىن مىسىققا دا قاتىستى زاڭ بارىن بىلەسىز بە؟ ەكونوميكالىق داعدارىس باستالعاندا مەملەكەت ءبىرىنشى حالىقتان كومەك كۇتەدى. جاڭا سالىقتار ويلاپ تاۋىپ، ەل بيۋدجەتىن تولىقتىرۋعا كۇش سالادى. ماسەلەن، ناشاقورلىققا سالىناتىن سالىق. اقش شتاتتارىندا Internal Revenue Service دەپ اتالاتىن ۇيىمدار بار (بىزدەگى سالىق باسقارماسى سەكىلدى). ول ناشاقورلاردى كۇشتەپ سالىق تولەۋگە ماجبۇرلەيدى.

 الەمدە سوت ورىندارىندا ەڭ ءجيى قارالاتىن ءىس - ازاماتتاردىڭ ءىرى كومپانيالاردىڭ ۇستىنەن شاعىمدانىپ، سوتتا قارالاتىندىعى ەكەن.

دۇنيەنى دۇرلىكتىرگەن Forbes جۋرنالى الەمدە جۇرگەن ءىزىن بىلدىرمەيتىن، ىزكەسۋشىلەردىڭ ءۇمىتىن ۇزدىرگەن ايگىلى قىلمىسكەرلەردىڭ ءتىزىمىن جاريالادى. بۇل رەيتينگ فەدەرالدى تەرگەۋ بيۋروسى مەن ورتالىق بارلاۋ باسقارماسى بەرگەن اقپاراتتارى نەگىزىندە جاسالعان.

سوڭعى 4 جىلداعى مالىمەتتەرگە قاراعاندا، ۇستاتپايتىن ۇرىلار مەن قانىشەرلەردىڭ قاتارىندا ءبىرىنشى رەت امەريكالىق ازاماتتار بولماعان. ەسەسىنە ورىستاردىڭ ءتىزىمى جۇرت نازارىن اۋدارعان. ماسەلەن، سەمەن موگيليەۆيچ، اليمجان توحتاحۋنوۆ، شەشەن سەپاراتيستەرىنىڭ باسشىسى دوكۋ ۋماروۆ بار.

بۇل تىزىمنەن اتاقتى ۋساما بەن لادەن مەن مەكسيكالىق ناركوبارون گۋزمان وشىرىلگەن. ال قازاقستاندىقتاردان ەشكىمنىڭ اتى اتالمايدى. بۇل دا جاقسىلىق شىعار.

اۆتور: جامبىل قىرعىزباي

«ايقىن»

سوڭعى جاڭالىقتار