قىتاي ينتەرنەتكە تاۋەلدى جاستاردى ەمدەۋگە كىرىستى

  استانا.قازاقپارات -  قىتاي بيلىگى جاستاردىڭ ينتەرنەتكە دەگەن تاۋەلدىلىگىنە مەديتسينالىق اۋرۋ دەگەن باعا بەرىپ، ونى وسكەلەڭ ۇرپاقتىڭ بولاشاعىنا قاۋپى زور دەپ مالىمدەدى.

بۇگىندە مۇنداي جاستاردى كەسەلىنەن ايىقتىرۋ ءۇشىن بيلىك وكىلدەرى ارنايى جاتتىعۋ لاگەرلەرىن اشىپ جاتىر.

اتالعان ورتالىقتاردا جاس قىتايلىقتاردى اسكەري تارتىپپەن ەمدەيدى. ياعني، اسكەردەگى جاتتىعۋلاردى ەمدەلۋشىلەردىڭ كۇندەلىكتى رەجيمىنە ەنگىزگەن. «مۇنداي ءادىستى جايدان- جاي قولدانىپ وتىرعانىمىز جوق» دەيدى يدەيا اۆتورلارى. ويتكەنى، كۇنى بويى مونيتور الدىندا وتىراتىن ادامنىڭ دەنساۋلىعىندا مىندەتتى تۇردە اقاۋ بولادى.

لاگەردەگى جاتتىعۋلاردى بۇرىنعى اسكەري قىزمەتكەرلەر جۇرگىزۋدە. باستى ماقسات - جاستاردىڭ اراسىندا سالاۋاتتى ءومىر سالتىن قالىپتاستىرۋ. ال، ەگەر ءبىر وقۋشى تالىمگەردىڭ تالابىن ورىنداساماسا بۇكىل توپ جازالانادى.

 دەنە جاتتىعۋلارىنان بولەك جاستار مۇندا قىتاي ەتيكاسىنان دا ساباق الادى. سونىمەن قاتار، ءان ايتىپ، بي بيلەۋدى دە ۇيرەنۋلەرىنە جاعداي جاسالعان. ال، ينتەرنەت تاۋەلدىلىگىنەن ەمدەۋدەگى باستى رولدى پسيحولوگ ماماندار الىپ وتىر.

 بۇگىندە قىتايدا ءدال وسىندا 250 لاگەر جۇمىس ىستەۋدە. مۇندا ەمدەلىپ جاتقان جەتكىنشەكتەردىڭ كوپشىلىگىن اتا- انالارى ماجبۇرلەپ جىبەرگەن.

baq.kz