ا ق ش دوللارىنىڭ نەشە ءتۇرىن بىلەسىز؟- فوتو

ەگەر بۇل سۇراقتىڭ جاۋابىن بىلمەگەن بولساڭىزدار، تومەندەگى تىزبەكتەلىپ جازىلعان ا ق ش- تىڭ قولدانىستا جۇرگەن ەڭ ءىرى اقشا تۇرلەرىن تاماشالاڭىزدار.
$ 500 بۇل اقشا بەلگىسىندە امەريكا حالقىنىڭ 25- پرەزيدەنتى ۋيليام ماك- كينلي بەينەلەنگەن. اقشا رەتىندە ولار 1934-45 - جىلدارى ارالىعىندا قولدانىستا ءجۇردى. الايدا ول دەگەنىڭىز قازىر ونى پايدالانۋعا بولمايدى دەگەن ءسوز ەمەس، ونى بانك قىزمەتكەرلەرى قۋانا- قۋانا قابىلدايدى. ولاردىڭ بۇگىندە باسىم كوپشىلىگى كوللەكتسيونەر جيناعىن تولىقتىرىپ ءجۇر.
$ 1000. مىنا ءبىر نۇسقادا ا ق ش- تىڭ تاريحىندا 2 مارتە، الايدا ءبىر رەت ءۇزىلىس جاساپ سايلانعان پرەزيدەنت ستيۆەن گروۆەر كليۆلەندتىڭ سۋرەتى تۇر. اقشا 1969 - جىلدان باستاپ اقشا نارىعىنان شىعا باستادى.
5000 دوللارلىق اقشادا امەريكانىڭ ءتورتىنشى پرەزيدەنتى كورسەتىلگەن. قازىرگى تاڭدا بۇل ءتۇپنۇسقانى بانككە دەپوزيتكە سالىپ قويسا بولادى. اقشانىڭ قۇنى وتە باعالى بولعاندىقتان، حالىق مۇنى توپتاما رەتىندە ساقتاعاندى ءجون كورەدى.
$ 10000-تا ا ق ش- تىڭ ازامات سوعىسى ۋاقىتىندا ءوزىنىڭ كۇش جىگەرىمەن ەل كوزىنە تۇسكەن قوعام قايراتكەرى سەمونا پورتلەندا چەيزا كورسەتىلگەن. ول وگايو شتاتىندا گۋبەرناتور، كەيىننەن سەناتور، امەريكانىڭ جوعارى سۋدياسى قىزمەتتەرىن ىستەگەن. پرەزيدەنت لينكولن كەزىندە قارجى ءمينيسترى بولىپ جۇمىس اتقارعان. ادام قۇلدىعىنا قارسى باعىت ۇستانعان. مەملەكەتتىڭ وڭتۇستىك ايماعىنداعى باي، اۋقاتتى جەر يەلەرىنە قارسى قاتال ساياسات ۇستانا وتىرىپ، بەلسەندى كۇرەس جۇرگىزگەن.
$ 100000. بۇل بانكنوت اقشا نارىعىندا ەشقاشان قولدانىستا بولماعان. ولار تەك بانكتەر اراسىنداعى فەدەرالدى جۇيە قورىنا كەلىسىم رەتىندە پايدالانىلىپ ءجۇردى. بەرتىن كەلە ەلەكتروندى اقشا جۇيەسى پايدا بولعاننان باستاپ ءومىر ءسۇرۋىن توقتاتقان.
دايىنداعان: نۇربول نۇرماحان ۇلى
massaget.kz