ت م د قورعانىس مينيسترلەرى گۋمانيتارلىق سالالارداعى ءوزارا ءىس- قيمىلدى نىعايتۋ جونىندەگى قۇجاتتار قابىلدادى

استانا. قازاقپارات - بۇگىن استانادا تاۋەلسىز مەملەكەتتەر دوستاستىعىنا قاتىسۋشى مەملەكەتتەر قورعانىس مينيسترلەرى كەڭەسىنىڭ كەزەكتى وتىرىسى ءوتتى.
None
None

ونىڭ جۇمىسىنا ازەربايجان، ارمەنيا، بەلارۋس، قازاقستان، قىرعىزستان، رەسەي، تاجىكستان، وزبەكستان قورعانىس ۆەدومستۆولارىنىڭ دەلەگاتسيالارى قاتىستى.

دوستاستىق اياسىندا اسكەري ىنتىماقتاستىقتىڭ كوپ بەيىندى سيپاتىن ەسكەرە وتىرىپ، كەڭەس مۇشەلەرى ءوزارا ءىس- قيمىلدىڭ جالپى پەرسپەكتيۆالارىن جانە ونىڭ باسىم باعىتتارىن ايقىنداۋدىڭ تۇجىرىمدامالىق كوزقاراستارىن تالقىلادى.

كۇن تارتىبىنە سايكەس وتىرىستا دوستاستىق مەملەكەتتەرى قورعانىس ۆەدومستۆولارى كوپ جاقتى اسكەري ىنتىماقتاستىعىنىڭ ءتۇرلى اسپەكتىلەرى بويىنشا 20 عا جۋىق ماسەلە قارالدى.

 اتاپ ايتقاندا، قورعانىس مينيسترلەرى ينجەنەرلىك اسكەري قىزمەتشىلەردىڭ گۋمانيتارلىق ميناسىزداندىرۋ مىندەتتەرىن ورىنداۋ كەزەڭىندەگى مارتەبەسىنە، رادياتسيالىق، حيميالىق جانە بيولوگيالىق احۋالدى باقىلاۋ جانە باعالاۋ جۇيەسىن دامىتۋعا، اسكەري ماقساتتاعى سپۋتنيكتىك بايلانىس جۇيەلەرىن پايدالانۋعا، دوستاستىق ەلدەرى قارۋلى كۇشتەرىندەگى ۇشۋلار قاۋىپسىزدىگىنە قاتىستى قۇجاتتاردى قارادى.

سونىمەن بىرگە اسكەري ىنتىماقتاستىقتى تەرەڭدەتۋ اياسىندا اۋە شابۋىلىنا قارسى قورعانىس، اسكەري ءبىلىم، اسكەري- قولدانبالى سپورت تۇرلەرى، سونداي- اق كادرلىق جانە قارجىلىق قامتاماسىز ەتۋ سالالارىنداعى باسىمدىق بەرىلگەن زەرتتەۋلەردى جۇزەگە اسىرۋ ماسەلەلەرى تالقىلاندى.

وتىرىستىڭ قورىتىندىسى بويىنشا اسكەري- تەحنيكالىق، الەۋمەتتىك- قۇقىقتىق جانە گۋمانيتارلىق سالالارداعى ءوزارا ءىس- قيمىلدى ءارى قاراي نىعايتۋ جونىندەگى قۇجاتتار قابىلداندى.

اۆتور: مارلان جيەمباي

2 

 1

سوڭعى جاڭالىقتار