ەكى جۇزدەي قازاقستاندىق ساياحاتشى تۇركياداعى دەمالىسىنان ەلگە قايتا الماي وتىر

استانا. قازاقپارات - رەيستەردىڭ توپتاپ قالۋ سالدارىنان شامامەن 200 گە جۋىق قازاقستاندىق ساياحاتشى تۇركياداعى دەمالىسىنان قايتا الماي جاتىر.
None
None

بۇل تۋرالى Tengrinews.kz تىلشىسىنە «گۇلنار تۋر» تۋريستىك كومپانياسىنىڭ زاڭگەرى يرينا سامويلوۆا ايتىپ بەردى.

ونىڭ اقپاراتى بويىنشا، قازاقستاندىق ساياحاتشىلاردىڭ ۇشاقتارى ەكى كۇننەن استام كىدىرىپ تۇر. سالدارىنان انتاليادان قوستانايعا، اقتوبەگە سونداي-اق، بودرۋمنان الماتىعا ۇشاتىن ساياحاتشىلار زارداپ شەككەن.

جالپى باس-اياعى 242 ادام وزدەرىنىڭ تۇركيا جەرىندەگى دەمالىستارىن ءماجبۇرلى تۇردە ودان ءارى جالعاستىرۋدا. تۋريستىك كومپانيا وكىلىنىڭ ايتۋىنا قاراعاندا، مۇنداي جاعداي قازاقستاننىڭ ازاماتتىق اۆياتسيا كوميتەتىنىڭ وتاندىق Jet Airlines اۋەكومپانياسىنا تيەسىلى ۇشاقتاردى باعىتقا قويۋدان باس تارتقان سوڭ بولعان.

«مۇنداي جاعدايلارعا بايلانىستى ءبىز ۇشاقتاردى اۋىستىرۋدىڭ ارەكەتىن قاراستىرىپ جاتىرمىز، ازىرگە ءساتسىز. سونداي-اق ءبىز كوميتەت باسشىلارىنا تىم بولماسا ارنايى شاقىرتۋمەن باراتىن رەيس جاساۋعا رۇقسات سۇراپ وتىرمىز، ءبىراق جاۋاپ ءالى دە جوق.

ءبىز قازىر ساياحاتشىلارعا سول جاقتاعى قوناق ۇيلەرى ءۇشىن قوسىمشا ۋاقىتتارىن تولەپ جاتىرمىز. باستى ساۋال، ءدال قازىر ساياحاتشىلاردى ول ەلدەن قالاي الىپ كەتۋ بولىپ تۇر. مۇمكىندىگىنشە ءبىز قازىر 5-8 ادامنان الىپ كەتىپ جاتىرمىز، ءبىراق، قازىر ناعىز دەمالىس ۋاقىتى بولعاندىقتان بارلىق اۋەكومپانيالارىنىڭ بورتى بوس ەمەس»، - دەيدى سامويلوۆا.

وسى ورايدا Tengrinews.kz رەداكسياسىنا ساياحاتشىلاردىڭ وزدەرى دە حابارلاسىپ جاتىر. ولار تۇركياداعى دەمالىستارى اياقتالىپ ەلگە قايتا الماي وتىرعان ساياحاتشىلاردان وزگە، قوستانايدان انتالياعا، الماتىدان بودرۋمعا ۇشىپ كەتە الماي جاتقان ادامدار بار ەكەنىن ايتادى.

بۇعان دەيىن ا ا ك چارتەرلىك رەيستەردىڭ ءوز ۋاقىتىندا قاتىناۋى ءۇشىن ءۇش جاق - اۋەكومپانيا، تۋريستىك كومپانيا جانە ۇشاقتى قابىلدايتىن ەلدىڭ اۋەقىزمەتىندەگى باسشىلارى قابىلدايتىنىن ايتقان بولاتىن. «قازاقستاندىق چارتەرلىك رەيستەردىڭ ۇشىپ كەتۋىنە قازاقستان باسشىلارىنىڭ رۇقساتى قاجەت ەمەس. سونىمەن قاتار چارتەرلىك رەيستەردىڭ ۇشۋىن  Travel System,  «گۋلنار تۋر» كومپانياسىنىڭ چارتەرلىك رەيستەرى ءۇشىن ا ا ك جاۋاپ بەرمەيدى. ولار تەك تاپسىرىسپەن ۇشاتىن بولعاندىقتان وعان تۋريستىك كومپانيا بولماسا اۋەكومپانياسى جاۋاپ بەرەدى»، - دەيدى ۆەدومستۆا وكىلى.

بۇعان دەيىن شاشامەن 140 قازاقستاندىق ساياحاتشى تۇركياداعى دەمالىستارىنان ۋاقىتىلى كەلمەگەنى تۋرالى حابارلانعان ەدى. «گۋلنار تۋر» كومپانيا قىزمەتكەرلەرىنىڭ اقپاراتى بويىنشا، قازاقستاندىق ساياحاتشىلار مىنگەن ۇشاق تەحنيكالىق اقاۋلارعا بايلانىستى ۇشىپ كەتە الماپتى. بۇل كەزدە بارلىق ادامدارعا رەيستىڭ كىدىرەتىنى تۋرالى حابارلانعان.

سوڭعى جاڭالىقتار