پرەزيدەنت جامبىل وبلىسىنداعى حيميالىق رەاگەنتتەر شىعارۋ زاۋىتىن ىسكە قوسۋعا رۇقسات بەردى

«Talas Investment company» ج ش س باس ديرەكتورى باحتيار الداشيەۆتىڭ ايتۋىنشا، زاۋىت جىلىنا 15 مىڭ توننا حيميالىق رەاگەنت وندىرەدى. بۇل ءونىمدى التىن ءوندىرۋشى كاسىپورىندار تۇتىناتىن بولادى.
«ەلىمىز ەندى حيميالىق رەاگەنت يمپورتىنا تاۋەلدى بولمايدى. كەرىسىنشە ەكسپورتقا شىعارۋعا قۋاتىمىز بار. زاۋىتتا اۆتوماتتاندىرۋدىڭ ەڭ جوعارعى جەلىسى ەنگىزىلگەن. بارلىق جۇمىستىڭ قاۋىپسىزدىگىنە كومپيۋتەرلىك مونيتورينگ جۇرگىزىلەدى. زاۋىتتا 500 ادام تۇراقتى جۇمىس ىستەيتىن بولادى» ، - دەپ اتاپ ءوتتى زاۋىت ديرەكتورى.
ءوز كەزەگىندە ەلباسى ن. نازاربايەۆ زاۋتتىڭ ماڭىزدىلىعىن اتاپ ءوتتى.
«بۇل قازاقستانعا وتە قاجەت زاۋىت. بۇل جاڭا ءوندىرىس، جاڭا تاۋار شىعاراتىن بولادى. مەملەكەت ەلىمىزدىڭ وڭتۇستىگىندە ءوندىرىستى وركەندەتۋگە ۇلكەن كۇش سالىپ جاتىر. ەل حالقىنىڭ كوپشىلىگى الماتى، جامبىل، وڭتۇستىك قازاقستان وبلىستارىندا تۇرادى. جۇمىسسىزدىق تا كوپ. جىل سايىن ەڭبەككە كەلەتىن جاستاردىڭ سانى دا كوپ. سوندىقتان ءبىز جامبىل وبلىسىندا حيميالىق ونەركاسىپتى دامىتۋعا كۇش سالاتىن بولامىز. ويتكەنى بۇل وڭىردە فوسفوريتتەردىڭ كەن ورنى بار. سونىڭ ارقاسىندا وسىنداي زاۋىتتاردىڭ سالىنۋى دا وتە قاجەت» ، - دەدى قازاقستان پرەزيدەنتى.
اۆتور: ءابۋ- اسقار مەكەش ۇلى