اسپيريننىڭ ايرىقشا پايداسى انىقتالدى

استانا. قازاقپارات - ەگەر ادام تۇراقتى تۇردە اسەتيلساليسيل قىشقىلى - اسپيريندى قابىلداپ جۇرسە، اسقازاننىڭ قاتەرلى ىسىگىنە شالدىعۋ قاۋپى 48 پايىزعا ازايادى ەكەن. بۇل تۋرالى شەتەلدىك ب ا ق جازادى.

بۇل زەرتتەۋ امەريكالىق اۋرۋحانالاردىڭ بىرىندە جۇرگىزىلگەن. وعان 1000 نان استام ەمدەلۋشى قاتىسىپتى. بۇل زەرتتەۋدىڭ ناتيجەسى امەريكانىڭ قاتەرلى ىسىكتى زەرتتەۋ قاۋىمداستىعىنىڭ Cancer Epidemiology, Biomarkers & Prevention  باسىلىمىندا جاريالاندى.

Meddaily.ru- دىڭ جازۋىنشا، ءاسپيريندى از مولشەردە ءىشىپ جۇرگەن ادامداردىڭ قاتەرلى ىسىككە شالدىعۋ قاتەرى تومەن بولعان. ال، ىشپەي تاستاپ كەتكەندەردىڭ بۇل دەرتكە شالدىعۋ قاۋپى 3 ەسەگە دەيىن وسكەن.

ايتا كەتەيىك، ءاسپيرين جۇرەك قان تامىرلارىن ەمدەۋ كەزىندە ەمدەلۋشىلەرگە كۇنىنە 75-325 ميليگرام مولشەرىمەن بەرىلەدى. ونى ءار التى ساعات سايىن ىشكەن ادام كوپ مولشەردە قولدانعان بولىپ سانالادى. كەي ادامدارعا بۇل ءدارى كەرى اسەر ەتەدى.