تۇركيا پرەزيدەنتتىگىنە ۇمىتكەرلەر بەلگىلى بولدى

استانا. قازاقپارات - كەشە ادىلەت جانە دامۋ پارتياسىنىڭ كەزەكتى وتىرىسىندا تۇركيانىڭ پرەمەر-ءمينيسترى رەدجەپ تايىپ ەردوعان تامىزدىڭ 10 - كۇنى بولاتىن پرەزيدەنت سايلاۋىنا تۇسەتىندىگىن رەسمي مالىمدەدى.
None
None

11 جىل ۇكىمەتكە جەتەكشىلىك ەتكەن ەردوعاندى پارتياداعى ۇزەڭگىلەستەرى ءبىراۋىزدان قولدادى. تۇركيادا بيىل تامىلجىعان تامىز ايىندا پرەزيدەنت سايلاۋى وتەدى. بۇل جولى مەملەكەت باسشىسىن بۇرىنعىداي پارلامەنت ەمەس، ەل تاريحىندا تۇڭعىش رەت بۇقارا حالىق سايلاماق.

قازىرگى تاڭدا ساياسي پارتيالاردىڭ كوبى ءوز ۇمىتكەرلەرىن كوپشىلىككە تانىستىرىپ ۇلگەردى. الايدا سوڭعى ۋاقىتقا دەيىن ەلدىڭ جەتەكشى «ادىلەت جانە دامۋ» پارتياسى اتىنان تۇسەتىن ۇمىتكەردىڭ ەسىمى قۇپيادا ساقتالعان ەدى.

بۇگىن بيلىك پارتياسى پرەزيدەنت سايلاۋىنا ۇكىمەتباسى تايىپ ەردوعاننىڭ قاتىساتىنىن ءدۇيىم جۇرتقا رەسمي جاريالادى.

تايىپ ەردوعان، «ادىلەت جانە دامۋ» پارتياسىنان سايلاۋعا تۇسەتىن ۇمىتكەر:

- بۇل ماڭىزدى سىن ساعاتتاردا قاسىمنان تابىلعان نيەتتەس، پىكىرلەس بولعان جولداستارىما، وتانداستارىما جانە سىرتتاعى بۇكىل تىلەۋلەس ەلدەرگە ىستىق سالەمىمدى جودايمىن. تۇركيا رەسپۋبليكاسىنىڭ 12- پرەزيدەنتى بولۋعا ۇمىتكەر ەتىپ ۇسىنعان بارلىق دەپۋتاتتارعا جۇرەك جاردى العىسىم مەن راحمەتىمدى ايتامىن.

تۇركيانىڭ وپپوزيتسيالىق پارتيالارى بۇل سايلاۋدا ورتاق ۇمىتكەردى ۇسىنىپ وتىر. ەلدەگى ەڭ ءىرى «حالىقتىق- رەسپۋبليكا» پارتياسى مەن «ۇلتتىق قوزعالىس» پارتياسى يسلام ىنتىماقتاستىق ۇيىمىنىڭ بۇرىنعى باس حاتشىسى 71 جاستاعى بەلدى ساياساتكەر ەكمەلەددين يحسانوگلىنا ءۇمىت ارتتى.

سيەۆگي اكارچەشمە، ساياسي شولۋشى:

- وپپوزيتسيانىڭ ۇسىنعان ۇمىتكەرى ەكمەلەددين يحسانوگلى حالىققا كەڭىنەن تانىمال ەمەس. سايلاۋ ناۋقانىنىڭ باستالۋىنا تىم از ۋاقىت قالعانىن ەسكەرسەك، وپپوزيتسيالىق كۇشتەر ۇلكەن تاۋەكەلگە بارعانىن اڭعارامىز. دەگەنمەن ۇكىمەتتىك ءبىر گازەتتىڭ جۇرگىزگەن ساۋالناما قورىتىندىسى بويىنشا يحسانوگلى 35 پايىز داۋىس جينادى. ەندى وعان بۇل كورسەتكىشىن ودان ءارى ۇلعايتۋى ءۇشىن كەڭ اۋقىمدى سايلاۋ ناۋقانىن جۇرگىزۋى كەرەك. پرەزيدەنتتىك سايلاۋعا كۇردتەر قولدايتىن «حالىقتاردىڭ دەموكراتيالىق» پارتياسى دا ءوز ۇمىتكەرىن ۇسىندى. پارتيانىڭ ءتوراعاسى ءارى تۇركيا رەسپۋبليكاسى ۇلى ۇلتتىق ءماجىلىسىنىڭ دەپۋتاتى سەلاحاتتين دەميرتاش پارتياداعى جاقتاستارىنىڭ قولداۋىمەن سايلاۋعا قاتىسۋعا ءازىر ەكەنىن حابارلادى. 10 - تامىز كۇنى تۇركيا ەلدى 5  جىل بويى باسقاراتىن مەملەكەت باسشىسىن سايلايدى.

بۇل جولى ەلدىڭ 12-پرەزيدەنتىن قاراپايىم حالىق ءوزى تاڭدايدى. ەگەر ۇمىتكەرلەردىڭ ءبىرى 50 پايىز داۋىس جيناي الماسا، سايلاۋدىڭ ەكىنشى كەزەڭى 24 - تامىز دەپ بەلگىلەندى.

اۆتورى: ەرجان ءجۇنىس

 

24.kz

سوڭعى جاڭالىقتار