الماتىداعى اپتاپ ىستىق حايۋاناتتار باعىنىڭ «تۇرعىندارىن» ابىگەرگە سالدى - فوتو
حايۋاناتتار باعىنىڭ قىزمەتكەرلەرى جانۋارلاردى مۇنداي ىستىقتان قۇتقارۋدىڭ بارلىق شارالارىن جۇزەگە اسىرۋدا.
اۋا رايىن بولجاۋشىلاردىڭ ايتۋىنشا، ماۋسىم ايى جىلداعىدان 6 گرادۋسقا ىستىق بولدى. وسىنداي كەزدە جانۋارلاردىڭ ءىس-ارەكەتىن باقىلاۋ وتە قىزىقتى. بۇگىن دە جانۋارلار ەكى مارتە دۋش قابىلدادى.
«پىلدەر سۋدان شىققان سوڭ، شاڭ-توزاڭعا اۋناپ، ۇستىلەرىنە «جاقپا ماي» جاعىپ الدى»، - دەپ كۇلدى زووباق قىزمەتكەرى گريگوري بەرەسنيەۆ.
ال اپتاپ ىستىققا ۇيرەنگەن قولتىراۋىندار سالقىن سۋعا تۇسكەن سوڭ ءبىر-بىرىمەن ويناي باستادى.
جوعارى تەمپەراتۋراعا اسا سەزىمتال جانۋارلاردىڭ ءبىرى سولتۇستىك ءپوليۋستىڭ تۇرعىنى اق ايۋ كۇنى بويى ۇيشىگىنەن شىقپايدى.
«اق ايۋ سۋىق اۋا رايىنا توسەلگەن جانۋار. دامىعان مەملەكەتتەردە مىسالى، ارابيادا اق ايۋدى ارنايى مۇزداتىلعان كامەرالاردا ۇستايدى. ال بىزدە ءالى ونداي جاعداي جاسالماي وتىر. اق ايۋدىڭ سۋىن ەكى مارتە اۋىستىرىپ تۇرامىز. وعان بارىنشا جاعداي جاساۋعا تىرىسۋدامىز»، - دەدى زووباق قىزمەتكەرلەرى.
بارلىعى الماتى حايۋاناتتار باعىندا 2 ءپىل، 1 اق ايۋ، 2 ارىستان، 2 جولبارىس مەكەن ەتۋدە. جاز مەزگىلىنىڭ كەلۋىمەن جانۋارلار سۋدى ەكى ەسەگە دەيىن ارتىق جۇمساۋدا. 
