استانا تۇرعىنى ايازعا ءتوزىمدى پالما شىعارىپ، ونىمەن ەلوردانى كوركەيتپەك

استانا. قازاقپارات - استانا تۇرعىنى اۋەسقوي بوتانيك ەۆگەني كۋدرياك پالمانىڭ ايازعا ءتوزىمدى ەرەكشە ءتۇرىن شىعارىپ، ونى ەلوردادا وسىرمەك.
None
None

ەۆگەنيدىڭ بولجامى بويىنشا، ول اعاش 35 گرادۋس ايازدىڭ وزىندە جىل بويى ءوزىنىڭ جاسىل ءتۇسىن جوعالتپاۋى ءتيىس. بىرنەشە جىلدان بەرى ەۆگەني كۋدرياك ءوزىنىڭ ءۇيىنىڭ اۋلاسىندا پالما ءوسىرىپ كەلەدى ەكەن. ەندى ولاردى استانانىڭ باسقا جەرلەرىنە دە سەبۋدى جوسپارلاپ وتىر.  
 
 «ونىڭ ەش قيىندىعى جوق، - دەيدى بوتانيك. - مەن اۋلادا يۋككا پالماسىن وسىرەمىن. سۋىققا شىداعاندارىن ىرىكتەپ الىپ، ۇيگە كىرگىزىپ، ودان تۇقىم الامىن. ال ءۇسىپ كەتكەندەردىڭ تامىرىن شاۋىپ تاستايمىن» .   

  ەۆگەني كۋدرياك 15 جىلدان كەيىن سەلەكسيا ناتيجەسىندە 40 گرادۋسقا دەيىنگى ايازعا ءتوزىمدى پالمالاردى شىعاراتىنىنا سەنىمدى. 

  اتاپ وتەيىك، يۋككا - سولتۇستىك امەريكاندىق پالما. ول اسا بيىك بولماسا دا جايىلىپ وسەدى. بيىكتىگى شامامەن ەكى مەترگە جۋىق.   

  «نەگىزىندە يۋككا 20 گرادۋسقا دەيىن سۋىققا ءتوزىمدى. ءبىراق ودان قاتتى سۋىققا ول شىدامايدى. يۋككادان سۋىققا ءتوزىمدى وسىمدىك شىعارۋ ءۇشىن از- ماز ەڭبەكتەنۋ كەرەك. بۇل مەنىڭ بيزنەس- جوبام. وسى ارقىلى اقشا تاپقىم كەلەتىنىن دە جاسىرمايمىن. پالما - بۇل ادەمى وسىمدىكتەردىڭ ءبىرى. ول ادامعا وپتيميستىك كوڭىل- كۇي سىيلايدى. شامامەن 30 جىلدان كەيىن مەنىڭ پالمالارىم استانادا جايقالىپ تۇرادى» ، - دەگەن ءۇمىتىن ءبىلدىردى ەۆگەني.





سوڭعى جاڭالىقتار