15:19, 01 - شىلدە 2014 | GMT +5
استانادا ەڭ جوعارى جالاقى الاتىندار انىقتالدى
استانا. قازاقپارات - مامىر ايىنىڭ قورىتىندىسى بويىنشا استانا قالاسىندا ەڭ جوعارى جالاقىنى ساقتاندىرۋ كومپانياسىنىڭ قىزمەتكەرلەرى مەن قارجى ماماندارى الاتىنى انىقتالدى.

بۇل جايىندا Tengrinews.kz ستاتيستيكا دەپارتامەنتىنە سىلتەمە جاساي وتىرىپ حابارلادى.
2014 - جىلدىڭ مامىر ايىنداعى كورسەتكىشكە سۇيەنسەك، استانادا جۇمىس ىستەيتىن ءبىر قىزمەتكەردىڭ ورتاشا ايلىق جالاقىسى 164424 تەڭگەنى قۇرايدى. ءساۋىر ايىمەن سالىستىرعاندا بۇل كورسەتكىش 1,1 پايىزعا ارتىپ وتىر.
"جالاقىنىڭ كولەمى قىزمەتكەردىڭ جۇمىس ىستەيتىن سالاسىنا بايلانىستى ءار ءتۇرلى بولىپ كەلەدى. ەڭ ۇلكەن جالاقى ساقتاندىرۋ كومپانيالارىنىڭ قىزمەتكەرلەرى مەن قارجى ماماندارىنا تيەسىلى. ول 302107 تەڭگەنى قۇراپ وتىر" دەلىنگەن ماماندار تاراتقان حابارلامادا.
Baq.kz