قىتايدا قاتەرلى ىسىككە شالدىققانداردىڭ اۋىلى بار

استانا. قازاقپارات - قىتايدىڭ حەشان دەرەۆنياسىنداعى ءاربىر بەسىنشى تۇرعىن قاتەرلى ىسىككە شالدىققان.
None
None

ماماندار مۇنىڭ باستى سەبەبىن ەلدىمەكەندە بۇرىن جۇمىس ىستەگەن مىشياك زاۋىتىنان دەپ وتىر. اۋاداعى ۋلى زاتتاردىڭ مولشەرى شامادان 15 ەسە ارتىپ كەتكەندىكتەن تۇرعىنداردىڭ باسىم كوپشىلىگىندە راك اۋرۋى بار.

ال، بيلىك وكىلدەرى بولسا ناۋقاس جاندارعا ەش قول ۇشىن سوزباي وتىر دەپ جازادى Malaysia Chronicle.

1,5 مىڭ تۇرعىنى بار حەشان دەرەۆنياسىنداعى حالىق سانى جىل سايىن شامامەن 100 ادامعا قىسقارىپ وتىرادى ەكەن. 30 جىل بويى ءوندىرىسىن توقتاتپاعان مىشياك زاۋىتى تەك ءۇش جىل بۇرىن عانا جۇمىسىن توقتاتقان بولاتىن.

جەرگىلىكتى تۇرعىندار شەنەۋنىكتەردەن كومەك سۇراپ، قانشاما رەت حات جازسا دا بيلىكتەگىلەر ناۋقاستاردىڭ دارىسىنە جەتەتىن قاراجاتتى بولمەي كەلەدى.

71 جاستاعى دەريەۆنيا تۇرعىنى سيۋن دەمين ءومىرىنىڭ 20 جىلىن اتالعان زاۋىتقا ارناعان. مەحانيك بولىپ جۇمىس ىستەگەن ول بۇگىندە قاتەرلى ىسىكپەن اۋىرادى. ايەلى ۆەن دجين دە راكتىڭ اۋىر تۇرىنە شالدىققان. "ءبىز ءار تاڭنىڭ اتقانىنا قۋانامىز. كۇن شىققاننان كەش باتقانعا دەيىن ءولىمدى كۇتۋمەن بولامىز" دەيدى ول.

 مامانداردىڭ ايتۋىنشا، حەشان - ءومىر سۇرۋگە وتە قاۋىپتى ايماق. مۇنداعى اۋامەن بىرگە اۋىز سۋ دا ابدەن ۋلانىپ بىتكەن.

Baq.kz

سوڭعى جاڭالىقتار