نۇر وتان پارتياسى قاتارىنا ءبىرقاتار بەلگىلى ادامدار قابىلداندى

استانا. قازاقپارات - بۇگىن ق ر تۇڭعىش پرەزيدەنتىنىڭ مۇراجايىندا استانا كۇنىنە وراي ازاماتتاردى «نۇر وتان» پارتياسى قاتارىنا ءداستۇرلى قابىلداۋ ءراسىمى ءوتتى.
None
None

پارتيا قاتارىنا وتكەندەرگە جاڭا ۇلگىدەگى پارتيا بيلەتتەرىن «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك تابىس ەتتى.

«بۇگىنگى شارا پارتيانىڭ ەلباسى نۇرسۇلتان نازاربايەۆتىڭ جەتەكشىلىگىندە باعىندىرعان اسۋلارى مەن ەۆوليۋتسيالىق دامۋ بيىگىن بەينەلەيتىن 15 جىلدىق مەرەي تويىمەن تۇسپا-تۇس كەلۋىمەن جانە استانا كۇنى مەرەكەسىنىڭ قارساڭىندا وتكىزىلۋىمەن ەرەكشە.

پارتيا ءتوراعاسى بارلىق نۇروتاندىقتاردى ساياسي كوشباسشىلىقتى كۇندەلىكتى ىستە دالەلدەپ، قوعام ءومىرىنىڭ بارلىق باعىتتارىندا الدىڭعى ورىندا بولۋىمىزدى مىندەتتەگەن.

سىزدەر دە وسى سەنىمنىڭ ۇدەسىنەن تولىقتاي شىعاسىزدار دەگەن ۇمىتتەمىن!»، - دەدى باۋىرجان بايبەك.

اتاپ ايتقاندا، پارتيا قاتارىنا وتكەندەردىڭ اراسىندا بەلگىلى ساۋلەتشى، مەملەكەتتىك ەلتاڭبانىڭ اۆتورى جانداربەك مالىبەك ۇلى، «ەۋرازيا» ءبىرىنشى ارناسىندا ساراپتامالىق باعدارلامانىڭ جۇرگىزۋشىسى الەكساندر ترۋحاچيەۆ، رەسپۋبليكالىق ءبىرقاتار ايتىستاردىڭ جەڭىمپازى ءبىرجان بايتۋوۆ، «قازاقستان بارىسى» تۋرنيرىنىڭ 2013 - جىلعى جەڭىمپازى ايبەك نۇعىماروۆ جانە باسقا دا ءبىرقاتار ادامدار بار.

 ايتا كەتەيىك، بۇگىندە «نۇر وتان» پارتياسىندا 875 مىڭ ادام مۇشەلىكتە.

235
6 7
اۆتور: رۋسلان عابباسوۆ

سوڭعى جاڭالىقتار