قازاقستاننىڭ دۇنيەجۇزىلىك ساۋدا ۇيىمىنا كىرۋ كەلىسسوزدەرى ءوز مارەسىنە جەتتى

استانا. قازاقپارات - قازاقستاننىڭ دۇنيەجۇزىلىك ساۋدا ۇيىمىنا كىرۋ كەلىسسوزدەرى ءوز مارەسىنە جەتتى، قالعان 2-3 ماسەلە جىل سوڭىنا دەيىن شەشىلۋى مۇمكىن.
None
None

بۇل تۋرالى بۇگىن بەرلين ەۋرازيالىق كلۋبىنىڭ 10- وتىرىسىندا ق ر ەكونوميكا جانە بيۋدجەتتىك جوسپارلاۋ ۆيسە- ءمينيسترى تيمۋر جاقسىلىقوۆ ءمالىم ەتتى.

«2012 - جىلى كلۋبتىڭ 2- وتىرىسى اياسىندا ءبىز شاراعا قاتىسۋشىلاردى قازاقستاننىڭ دۇنيەجۇزىلىك ساۋدا ۇيىمىنا كىرۋى بويىنشا كەلىسسوزدەر ۇدەرىسى جايىندا قۇلاعدار ەتتىك. سول ساتتەن باستاپ ءبىز ناقتى پروگرەسكە قول جەتكىزدىك. ەكىجاقتى فورماتتا جۇرگىزىلەتىن تاۋارلار مەن قىزمەتتەر نارىعىنا ارنالعان قولجەتىمدىلىك شارتتارى بويىنشا كەلىسسوزدەردىڭ اياقتالعانىن اتاپ وتۋگە بولادى. ءبىز تاۋارلار نارىعىنا قولجەتىمدىلىك بويىنشا 30 ەلمەن كەلىسسوزدەر جۇرگىزدىك. بۇگىنگى تاڭدا بارلىعى اياقتالدى. بۇل كەلىسسوزدەردىڭ اياقتالعاندىعى تۋرالى حاتتاماعا قول قويىلدى. قىزمەتتەر نارىعىنا قولجەتىمدىلىك شارتى بويىنشا ءبىز 15 ەلمەن، ونىڭ ىشىندە ەۋروپالىق وداق ەلدەرىمەن كەلىسسوزدەردى اياقتادىق» ، - دەدى ول.

ت. جاقسىلىقوۆتىڭ سوزىنە قاراعاندا، وتكەن كەزەڭ ىشىندە قازاقستاننىڭ د س ۇ- عا كىرۋى جونىندەگى جۇمىس توبىنىڭ 18 وتىرىسى وتكىزىلگەن. وندا ۇلتتىق زاڭناماداعى وزگەرىستەر، سونىمەن قاتار قازاقستاننىڭ ىشكى كوممەرسيالىق جانە ساۋدا ساياساتىنا قاتىسى بار حالىقارالىق كەلىسىمشارتتار تالقىلاندى.

اۆتور: مارلان جيەمباي

سوڭعى جاڭالىقتار