جاپونيادا قاسيەتتى فۋدزي تاۋىنا شىعۋ ماۋسىمى باستالدى

1 - شىلدەدە مۇندا تاۋعا شىعۋ ماۋسىمى رەسمي باستالدى.
كۇن بۇلتتى بولدى، الايدا كەنەتتەن اسپان اشىلىپ سالا بەردى. تاۋعا شىققانداردىڭ سانىن انىقتاۋ ازىرگە قيىن. ۇيقىداعى جانارتاۋدىڭ 3776 مەتر بيىكتىكتەگى جوعارى نۇكتەسىنە 3 جولمەن كوتەرىلۋگە بولادى. تورتىنشىسىندە ءالى قار جاتىر، بۇل تراسسا كەيىنىرەك اشىلماق.
1 - شىلدەدەن باستاپ جاڭاشىلدىق ەنگىزىلدى. قاسيەتتى تاۋعا شىعامىن دەۋشىلەر «ءوز ەركىمەن» 1 مىڭ يەن (10 دوللار) تاپسىرۋى ءتيىس. ونىڭ ەسەسىنە ساياحاتشى فۋدزي تاۋىنا شىققاندىعىن راستايتىن بەلگىگە يە بولادى.
جىل سايىن فۋدزي تاۋىنا 400 مىڭعا جۋىق ادام كوتەرىلەدى. بيىل ونىڭ سانى ارتادى دەپ كۇتىلۋدە. ويتكەنى 2013 - جىلى فۋدزي يۋنەسكو- نىڭ الەمدىك قۇندىلىقتار تىزىمىنە ەنگەن ەدى.
فۋدزي - ۇيقىداعى، الايدا سونبەگەن جانارتاۋ. ونىڭ سوڭعى اتقىلاۋى 1708- جىلى ورىن العان بولاتىن.