قازاق جەرىنەن دارىلىك ءشوپ جيناپ جۇرگەن قىتايلىقتار ۇستالدى - فوتو

 استانا. قازاقپارات - قازاق- قىتاي شەكاراسىنداعى جوڭعار الاتاۋىنداعى جاركەنت شەكارا وتريادىنا قاراستى «المالى- سۋ» زاستاۆاسىنىڭ شەكاراشىلارى بي موۋ جيناپ جۇرگەن بەلگىسىز ءتورت قىتايلىق ازاماتتى ۇستادى.
None
None

بۇل تۋرالى ق ر ۇلتتىق قاۋپسىزدىك كوميتەتى ش ق باسپا ءسوز قىزمەتىنەن حابارلادى.

 ۇستالعان ادامدار قىتاي ەلىنىڭ ازاماتتارى بولىپ شىقتى. ولار قازاقستان رەسپۋبليكاسىنىڭ اۋماعىندا بي موۋ دەپ اتالاتىن دارىلىك شوپتەردى زاڭسىز جيناپ جۇرگەندىكتەرىن مويىندادى. جەكە زاتتارىن قاراۋ كەزىندە سالماعى 20 كيلوداي بولاتىن اتالعان ءشوپتىڭ تامىرى مەن ونى قازۋعا قاجەتتى قۇرال- سايماندار تابىلدى.

 اتاپ وتەيىك، بي موۋ دەگەنىمىز قىتاي مەديسيناسىندا ءدارى جاساۋ ءۇشىن كەڭىنەن قولدانىلاتىن دارىلىك ءشوپ بولىپ تابىلادى.

انىقتاۋ شارالارىن جۇرگىزۋ ءۇشىن ۇستالعاندار قۇقىق قورعاۋ ورگاندارىنا بەرىلدى. ولاردى ق ر  ق ك 391- بابى 1- بولىگىنىڭ 3- تارماقشاسى بويىنشا (مەملەكەتتىك شەكارانىڭ رەجيمىن بۇزۋ) جاۋاپكەرشىلىككە تارتۋ كوزدەلىپ وتىر.

Задержаны граждане КНР, собравшие в Казахстане 20 кг лекарственной травы

سوڭعى جاڭالىقتار