09:12, 01 - شىلدە 2014 | GMT +5
قىتايدا العاش رەت قۇرىلعان قورشاعان ورتانى قورعاۋ تريبۋنالىنىڭ ءتوراعاسى تاعايىندالدى
ماسكەۋ. قازاقپارات - قىتايدىڭ جوعارعى سوتى دۇيسەنبى كۇنى قورشاعان ورتانى قورعاۋعا بايلانىستى ىستەردى عانا قاراۋمەن اينالىساتىن تاياۋدا قۇرىلعان ارنايى تريبۋنالدىڭ ءتوراعاسى لاۋازىمىنا دەن سيۋەليندى تاعايىندادى،
دەپ حابارلادى رەيتەر اگەنتتىگى.
قىتايدا قورشاعان ورتا جانە رەسۋرستار تريبۋنالى ەكى اپتا بۇرىن العاش رەت قۇرىلعان ەدى. ول ەكولوگيا سالاسىندا زاڭ بۇزۋشىلىقتار كوبەيىپ كەتۋىنە بايلانىستى قۇرىلدى. تريبۋنال مىندەتى بارلىق ەل بويىنشا جەرگىلىكتى بيلىك قۇرعان 134 قورشاعان ورتانى قورعاۋ سوتىندا وسىنداي داۋلاردى قاراۋ ءۇشىن جالپى ستاندارتتار ازىرلەۋ بولىپ تابىلادى.
ايتا كەتەيىك، قىتايلىق زاڭگەرلەر كوپتەگەن جىلدار بويى مۇنداي تالقىلاۋلاردى بۇدان بۇرىن سوتتار مۇلدەم ەلەمەگەنىنە، نە دۇرىس قاراماعانىنا نازار اۋدارىپ كەلەدى.
*
تريبۋنال (لاتىنشا. trіbunal - سوتتاۋ، نەگىزگى ماعىناسى: ەجەلگى ريمدەگى اسا ماڭىزدى قىزمەت يەلەرى - كونسۋلدار، پرەتورلاردىڭ قىزمەت بابىنداعى مىندەتتەرىن اتقارۋ كەزىندە وتىراتىن بيىك ورىن) - ەرەكشە سوت.
