قازاقستاندىق پوليتسەي بالالاردى قورعاۋ ءۇشىن جول اپاتىنا ءتۇستى

استانا. قازاقپارات - بالالار وتىرعان اۆتوبۋستى الىپ جۇرگەن پوليتسيا كولىگى شەتەل كولىگىنىڭ سوققىسىن وزىنە الدى.
None
None

جول-كولىك وقيعاسى 30 - ماۋسىم كۇنى پاۆلودار وبلىسىنىڭ جولىندا ورىن العان، دەپ حابارلادى وبلىستىق ءى ءى د-نىڭ باسپا ءسوز قىزمەتى.

«ەكىباستۇز قالاسىنا جەتە بەرىس جولدا 40 جاستاعى ازامات باسقارعان «Honda» كولىگى قارسى بەتكە شىعىپ كەتكەن. اتالمىش كولىك بالالار وتىرعان اۆتوبۋسپەن سوقتىعىسپاۋى ءۇشىن، پوليتسيا كولىگى سوققىنى وزىنە العان. پاترۋلدىك كولىكتى بۇرۋ ارقىلى جوعارى جىلدامدىقپەن كەلە جاتقان جەڭىل كولىكتىڭ جولىن تەجەيدى»، - دەلىنگەن حابارلامادا.

سوققىنىڭ ناتيجەسىندە كولىك تىزگىنىندە وتىرعان پوليتسيا ستارشيناسى ا. ش. زاكيروۆ دەنە جاراقاتتارىن الىپ، قالالىق اۋرۋحاناعا جەتكىزىلدى. اۆتوبۋستا بولعان 19 بالانىڭ ەشقايسىسى زارداپ شەكپەگەن.

جول-كولىك وقيعاسىنا بايلانىستى «Honda» كولىگىنىڭ جۇرگىزۋشىسى جاۋاپكەرشىلىككە تارتىلادى.

«الماتى» تەلەارناسى

سوڭعى جاڭالىقتار