قازاقستان تۋرالى جازعان شەتەلدىك جۋرناليستەر اراسىنان بايگە جەڭىمپازدارى انىقتالدى

استانا. قازاقپارات - 1- شىلدە كۇنى ق ر سىرتقى ىستەر مينيسترلىگى مەن قازاقستان جۋرناليستەر وداعى «قازاقستان - شەتەلدىك ب ا ق كوزىمەن» اتتى حالىقارالىق بايگەنىڭ قورىتىندىلارىن شىعاردى، دەپ حابارلايدى ق ر س ءى م باسپا ءسوز قىزمەتى.
None
None

بايگە زاماناۋي قازاقستاننىڭ ەكونوميكاسى، مادەنيەتى، ونەرى مەن كوپجاقتىلىعى جونىندە شەتەلدىك ب ا ق - تاردىڭ ساپالى، وبەكتيۆتى ماتەريالدارىن الۋ ماقساتىندا، سونىمەن قاتار وسى تاقىرىپتار اياسىندا ايتارلىقتاي جارقىن رەپورتاج، وچەرك جانە ساراپتامالىق- تالداۋ ماتەريالداردىڭ اۆتورلارىن ىنتالاندىرۋ ماقساتىندا 2014 - جىلعى 1- ءساۋىر مەن 15- ماۋسىم ارالىعىندا وتكىزىلدى.

گەوگرافيالىق تۇرعىدان بايگە وڭتۇستىك جانە سولتۇستىك امەريكا، ەۋروپا، ازيا، تاياۋ شىعىس جانە ت م د ەلدەرىنىڭ جۋرناليستەرىن قامتىدى. «ەير استانا» جانە «Rixos Almaty» قوناق ءۇيى بايگەگە دەمەۋشىلىك ەتتى.

بايگە ەرەجەلەرىنە سايكەس جوعارىدا اتالعان ايماقتاردان ءبىر-بىرەۋدەن بەس جەڭىمپاز انىقتالىپ، ولارعا جۇلدە رەتىندە الماتى، استانا نەمەسە بۋرابايعا ساپار ۇيىمداستىرىلاتىن بولادى. بايگە جەڭىمپازدارىنا ۇشىپ كەلۋ، كەتۋ، تۇراتىن ورىن، مادەني باعدارلاما، رەسمي تۇلعالارمەن، عالىمدارمەن، ساراپشىلار مەن جۋرناليستەرمەن كەزدەسۋلەر ۇيىمداستىرۋ قاراستىرىلعان.

ق ر سىرتقى ىستەر ءمينيسترى ەرلان ىدىرىسوۆ، قازاقستان جۋرناليستەر وداعىنىڭ باسقارما ءتوراعاسى سەيىتقازى ماتايەۆ، «Rixos Almaty» قوناق ءۇيىنىڭ باس مەنەدجەرى يبراگيم چەليكت جانە «ەير استانا» ا ق- نىڭ قوعاممەن بايلانىس جونىندەگى ۆيتسە-پرەزيدەنتى بەللا تورمىشيەۆادان قۇرالعان بايگە كوميسسياسى 23 ەلدەن كەلىپ تۇسكەن 42 جۇمىستى باعالادى.

امەريكا ەلدەرىنەن جەڭىمپاز بولىپ ءار ءتۇرلى ەلدەردەن بولا تۇرا ءبىرىن-ءبىرى تاپقان ادامداردىڭ تاعدىرى تۋرالى اسەرلى ماقالا جازعان، سونىمەن قوسا قازاقستان مەن گايانىڭ كەيبىر داستۇرلەرىنىڭ، اسىرەسە ۇلتتىق اسحانالاردىڭ ۇقساستىعىن سايتتا (www.kaieteurnewsonline.com) سيپاتتاي بىلگەن گايانانىڭ جۋرناليسى نيل ماركس انىقتالدى.

ەۋروپادان جەڭىمپاز رەتىندە قازاقستانداعى قايتا جاڭارتىلاتىن ەنەرگيا كوزدەرىنىڭ دامۋ بولاشاعى مەن استانادا وتەتىن «ەكسپو-2017» حالىقارالىق مامانداندىرىلعان كورمە تۋرالى Brussels Diplomatic  باسىلىمىندا ماقالا جازعان بەلگيالىق جۋرناليست سيبيل گرەيندل انىقتالدى.

سونىمەن قاتار القا مۇشەلەرى استانا مەن الماتى جونىندە، حالال- يندۋستريا، عىلىم جانە قازاقستاننىڭ ۇلتتىق ءداستۇرىنىڭ ەرەكشەلىكتەرى تۋرالى ama.com اقپاراتتىق اگەنتتىگىنىڭ پورتالىندا ءبىرقاتار ماقالالارى ءۇشىن ازيا ايماعىنان مالايزيالىق جۋرناليست نۋرشازلين نۋرازماندى (Norshazlina Nor'azman) جەڭىمپاز دەپ تانىدى.

تاياۋ شىعىس ەلدەرىنەن ەڭ جاقسى باسىلىم رەتىندە تاڭداۋ قاتارلىق جۋرناليست حۋسەين احمادقا

The Peninsula Daily   گازەتىندەگى ماقالاسى ءۇشىن ءتۇستى. ول قازاقستاننىڭ ساياسي جانە ەكونوميكالىق دامۋى، ەلىمىزدىڭ ايماقتاعى ءرولى، ەۋرازيالىق ەكونوميكالىق وداق قۇرۋ مەن ونىڭ بولاشاعى جايلى ماقالالارىمەن كوزگە ءىلىندى.

ت م د جانە تاياۋ ورنالاسقان شەتەل ەلدەرىنەن قازىلار القاسى ۋكراينالىق سۆەتلانا وستروۆسكايانى ونىڭ Wellness  جۋرنالىنداعى «دالا ەرتەگىسى» اتتى قازاقستاننىڭ مادەني- رۋحاني مۇراسى مەن ەل دامۋىنىڭ قازىرگى زامانۋي تەندەنسيالارى تۋرالى كوركەم رەپورتاجى ءۇشىن تاڭدادى.

ە. ىدىرىسوۆ بارلىق سايىسكەرلەرگە بايگەگە ىنتالانىپ، قاتىسقاندارى ءۇشىن العىسىن ءبىلدىردى. «قازىلار القاسى ءۇشىن جۇزدەن جۇيرىكتى تاڭداۋ قيىنعا ءتۇستى، سەبەبى ۇسىنىلعان ماقالالاردىڭ بارلىعى جوعارى دەڭگەيدە دايىندالعان بولاتىن. دەگەنمەن، سولاردىڭ ىشىنەن بىزگە وتە قىزىق، جاندى كورىنگەن جۇمىستاردىڭ بەسەۋىن ىرىكتەپ، ولاردىڭ اۆتورلارىن قازاقستاندا اسىعا كۇتەمىز. ەلىمىزگە ورىن الاتىن ساپارلارى ولار ءۇشىن قازاقستاننىڭ جاڭا جاقتارىن اشىپ، ب ا ق جاعىنان، سونىمەن قاتار، بيزنەس، ءبىلىم، عىلىم جانە تۋريزم وكىلدەرىنىڭ تاراپتارىنان قازاقستانعا دەگەن حالىقارالىق قىزىعۋشىلىقتى ارتتىرا تۇسەدى دەپ سەنەمىز»، - دەدى ول.

جەڭىمپازداردىڭ جۇمىستارى ق ر سىرتقى ىستەر مينيسترلىگىنىڭ ۆەب سايتىندا ونلاين تارتىبىندە قول جەتىمدى بولادى. جەڭىمپازدارمەن قاتار، بەس ءوڭىردىڭ ءارقايسىسىنان قوسىمشا ەكى باسىلىمنان ىرىكتەلىپ، ولاردىڭ اۆتورلارى قازىلار القاسى اتىنان العىس حات الاتىن بولادى.

سوڭعى جاڭالىقتار