ورازانى جەڭىل وتكىزۋگە ون كەڭەس

 استانا.قازاقپارات - ءيا، انە- مىنە دەگەنشە بيىلعى رامازان دا كەلىپ قالدى. جىلداعىدان وزگەشەلىگى سول، بيىلعى ورازا تۇتار ۋاقىتىمىز شىلدەنىڭ شىلىڭگىرىنە ءدوپ كەلىپ وتىر.
None
None

بۇل ءبىرىنشى مارتە ورازا ۇستاۋعا نيەتتەنىپ جۇرگەن كەيبىر باۋىرلارىمىزدىڭ كوكەيىندە «مي قايناعان ىستىقتا قالاي اۋىز بەكىتەمىن» دەگەن سياقتى وزىنە سەنىمسىزدىك، كۇدىك- كۇمان ۇيالاتۋى مۇمكىن. ولاي بولسا، وسى ورازانى قالاي جەڭىل وتكىزۋگە بولادى؟

1. ورازانىڭ العاشقى 3-4- كۇنى عانا شامالى اۋىرلاۋ تيگەنىمەن، ادام اعزالارى اشتىققا ۇيرەنىپ كەتەدى دە، كەيىنگى كۇندەرى جەڭىل وتەدى. ەڭ باستىسى ورازا تۇتقان ادام اۋەلى نيەتىن تۋرالاۋى كەرەك. اللا رازىلىعىن شىن نيەتىمەن كوزدەگەن ادامعا ازاننان كەشكە دەيىنگى اشىعۋدىڭ كوپ قيىندىعى جوق. ەگەر، شىنايى ىقىلاسپەن اللا رازىلىعىن كوزدەگەن بولسا، اللا ءوز جەڭىلدىگىن بەرىپ قويادى. سەبەبى، نيەت - قۇلشىلىقتاردىڭ نەگىزگى فاكتورى. نيەتتى تۋرالاۋ ءۇشىن ورازا تۇتقاندارعا اللا تاعالانىڭ اقىرەتتەگى بەرەتىن سىيى جايلى كىتاپتاردى كوبىرەك وقۋى ءلازىم.

 2. رامازاننىڭ ارتىقشىلىعىن ءتۇسىنىپ، ساۋاپتارىنان ۇمىتتەنۋ. رامازان -  قۇران تۇسكەن قاسيەتتى اي. بۇل ايدا ورازا ۇستاعاندارعا سانسىز ساۋاپ سىيلانىپ، دۇعا- تىلەكتەرى قابىل بولاتىن ايى. اللا ەلشىسى (وعان اللانىڭ يگىلىگى مەن سالەمى بولسىن) بىلاي دەپ ايتقان: «شىنىندا، اللا تاعالانىڭ الدىندا سونداي ادامدار بار: اللا ولاردى رامازاننىڭ ءاربىر كۇندىزى مەن تۇنىندە وتتان بوساتادى. جانە شىنىندا، ءاربىر مۇسىلمان رامازاننىڭ تۇنىندە دە، كۇندىزىندە دە ءوزىنىڭ دۇعاسىنا جاۋاپ الىپ وتىرادى»

3. رامازان قۇلشىلىق ايى بولعاندىقتان، باسقا ەش نارسەگە الاڭداماۋ كەرەك. سول ءۇشىن جازدىق كەزەكتى ەڭبەك دەمالىسىن وسى رامازان ايىنا تۋرالاپ الۋعا تىرىسۋ جانە جاز مەزگىلى قۇرىلىس جۇمىستارى، ت. ب. جۇمىستاردىڭ قىزاتىن كەزى بولعاندىقتان، ونداي جۇمىستاردى الدىن- الا ىستەپ نەمەسە كەيىنگە قالدىرىپ قويعان ءجون. سەبەبى، «اقىرەتتىك ىستەرگە كوبىرەك كوڭىل بولگەن ادامعا اللا ءوزى بۇل دۇنيەلىك ىستەرىنە جەڭىلدىگىن جاساپ قويادى» دەيدى عالىمدار.

4. رامازانعا جاقىنداعان سايىن ازىق- تۇلىكتىڭ باعاسى قىمباتتاپ كەتەتىندىكتەن، ونىڭ ۇستىنە بيىلعى ورازا شىلدەنىڭ ىستىعىنا ءدوپ كەلگەندىكتەن، اپتاپتا بازار ارالاماۋدىڭ قامىن قىلىپ، كەرەك- جاراقتى ورازادان بۇرىن، ياعني، قازىردەن باستاپ الدىن الا العان دۇرىس.

5. اسقازانى اۋىراتىن نەمەسە دەنساۋلىعىندا باسقا دا اقاۋى بار ادامدار الدىن الا ەمدەلىپ العانى ابزال.

6. سارەسىن ءىشۋدى جىبەرىپ الماۋعا بارىن سالۋ. سەبەبى، سارەسىن ىشپەگەن ادام، ورازاسىن ونان ارى جالعاستىرۋعا ءماجبۇر بولادى. ال، مۇنداي جاعداي ورازا ۇستاۋشىعا اۋىر تيەرى انىق. ول ءۇشىن كۇندىز ۋاقىت تاۋىپ تىنىعىپ العان جانە شۇعىل جۇمىستاردى تۇسكە دەيىن بىتىرگەنى ءجون.

7. قاتتى ىستىقتا سالقىن سۋ قۇيىنىپ، دەنەنى سالقىنداتىپ الۋ. پايعامبارىمىزدىڭ (وعان اللا تاعالانىڭ يگىلىگى مەن سالەمى بولسىن!) ءبىر حاديسىندە: «اللا ەلشىسى (وعان اللا تاعالانىڭ يگىلىگى مەن سالەمى بولسىن) شىجىعان ىستىقتان قۇتىلۋ ماقساتىمەن باسىنا سۋ قۇياتىن» ، - دەپ ايتىلعان.

 8. الدىن الا، ياعني، شاعبان ايىنان باستاپ ءناپىل ورازا ۇستاۋ - ورازانى جەڭىلدەتەتىن امالداردىڭ ءبىرى. ايشا انامىزدان جەتكەن حاديستە: «اللا ەلشىسىنىڭ شاعبانداعىداي كوپ ورازا تۇتقانىن كورگەن ەمەسپىن» ، - دەيدى. سونداي- اق، ورازا كىرگەننەن كەيىن دە، قۇراندى كوپ وقىپ، ءدىن- ءناسيحات ۋاعىزدارىن تىڭداپ، مۇمكىندىگىنشە مەشىتتە بولىپ، قۇلشىلىق امالدارىن كوبىرەك جاساۋ، تاراۋيح نامازىن جىبەرىپ الماۋعا تىرىسۋ.

 9. رامازان ايىنداعى يگى ىستەردىڭ سىيى ەسەلەنەتىنىن ەسكەرىپ، ساۋاپتاردى قۇر كەتىرمەۋ ءۇشىن مۇقتاج ادامدارعا قايىرىمدىلىقتى كوبىرەك جاساۋ كەرەك. ءناپىل (قوسىمشا) قۇلشىلىقتار ادامنىڭ يمانىن كوتەرەدى. ال، يمانى كوتەرىلگەن ادام بارلىق قيىندىقتارعا ءتوزىپ، ورازاسى جەڭىل وتەدى. قولدا بارىن ءدىن ءۇشىن جۇمساۋعا قۇلشىنادى.

10.ساپارداعى ادامداردىڭ، جۇكتى ايەلدەردىڭ جانە باسقا دا ءۇزىرلى ادامداردىڭ ورازا ۇستاماۋىنا رۇحسات ەتىلگەن. الايدا، ونداي ادامدار مۇمكىندىگىنشە جەڭىلدىكتەردى پايدالانا وتىرىپ، ورازا ۇستاسا ساۋاپقا كەنەلەتىنى كۇمانسىز.

اللا تاعالا بىلاي دەدى: «ال بىرەۋ ناۋقاس، نە ساپاردا بولسا، باسقا كۇندەردە ورازاسىنىڭ سانىن تولتىرسىن» .

 يبن 'ۋماردان پايعامباردىڭ (وعان اللانىڭ يگىلىگى مەن سالەمى بولسىن) بىلاي دەگەنى جەتكىزىلەدى: «اقيقاتىندا، اللا تاعالا ءوزىنىڭ تىيىمدارىنىڭ بۇزىلۋىن جەك كورەتىنىندەي، تۋرا سول سياقتى ءوزىنىڭ تۇسىرگەن جەڭىلدىكتەرىنىڭ قابىلدانعانىن دا جاقسى كورەدى» .

مىنە، وسىنداي ىزگى امالداردىڭ بارلىعى ادامعا رۋحاني كۇش- جىگەر بەرىپ، ورازانى جەڭىل وتكىزۋگە جەتەلەيدى.

اللا تاعالا ءبىزدىڭ قۇلشىلىقتارىمىزدى جەڭىلدەتىپ، قيامەتتە ساۋاپ تارازىمىزدى اۋىرلاتسىن!

 asylarna.kz سايتىنان 

سوڭعى جاڭالىقتار