ولجاس سۇلەيمەنوۆ قازاقستاندىق ديپلوماتيانىڭ دامۋىنا قوسقان ۇلەسى ءۇشىن «ءنازىر تورەقۇلوۆ» مەدالىمەن ماراپاتتالدى

«قازاقستاندىق ديپلوماتيا ارداگەرلەرى - وزدەرىڭىزبەن وسى رەتتە كەزدەسىپ، سىي-سىياپاتىم مەن شىن پەيىلدى العىسىمدى ءبىلدىرۋ مەن ءۇشىن قۇرمەت. كاسىبي مەرەكەلەر كۇن تىزبەسىندە بۇل كۇننىڭ پايدا بولۋىنىڭ ءوزى ديپلوماتيالىق قىزمەتتىڭ ورنىعۋى مەن قازاقستان سىرتقى ساياساتىنىڭ قالىپتاسۋىنا قوسقان ۇلەستەرىڭىزدى قازاقستان باسشىلىعىنىڭ مويىنداعانىن بىلدىرەدى»، - دەپ اتاپ ءوتتى ە. ىدىرىسوۆ.
ۇستىمىزدەگى جىلى ءساۋىر ايىندا قازاق ك س ر سىرتقى ىستەر حالىق كوميسسارياتىنىڭ قۇرىلعانىنا 70 جىل تولدى، ول كەيىن قاز ك س ر س ءى م- ىنە اينالدى جانە بۇل ۆەدومستۆونىڭ ەلۋ جىلدىق تاريحىن ەسكەرمەي، قازىرگى قازاقستاندىق ديپلوماتيا تۋرالى ءسوز قوزعاۋ مۇمكىن ەمەس.
«سىزدەردىڭ كوبىڭىز كەڭەس ءداۋىرى كەزەڭىندە جۇمىس ىستەدىڭىزدەر، سىزدەردىڭ ومىرلىك تاجىريبەلەرىڭىز، اقىل- پاراساتتارىڭىز، قوعام مەن وتانعا سىڭىرگەن جانكەشتى ەڭبەكتەرىڭىز قازىرگى ديپلوماتيالىق قىزمەتىمىزدىڭ ءساتتى دامۋىنىڭ نەگىزىن قالادى. سىزدەردىڭ پاتريوتتىق سەزىمدەرىڭىز جاس ۇرپاققا ەستافەتانى تابىستاپ بەرۋىنىڭ نەگىزىنە جاتىپ، ولار ۆەدومستۆومىزدىڭ كاسىپقويلىق تۋىن ودان ءارى جوعارلاتاتىندىعىنا سەنىمدىمىن»، - دەدى ق ر س ءى م باسشىسى.
باسشىلىق پەن العاشقى قىزمەتكەرلەردىڭ كاسىپقويلىعىنىڭ ارقاسىندا مينيسترلىكتىڭ نەگىزدەرى مەن جۇمىس قاعيدالارىنىڭ نەگىزىن قالاپ، شەتەلدە العاش ديپوكىلدىكتەردى ورناتىپ، ۇيىمداستىرۋ مەن كادرلاردى ىرىكتەۋدىڭ شۇعىل ماسەلەلەرىن شەشۋ مۇمكىن بولدى. «سىزدەردىڭ باي تاجىريبەلەرىڭىز، ساراپتامالىق قابىلەتتەرىڭىز، ازاماتتىق ۇستانىمدارىڭىز الداعى ۋاقىتتا قازاقستاننىڭ وركەندەۋىنە قولايلى جاعدايدى سىرتتان قامتاماسىز ەتۋ جۇمىسىندا قاجەت بولادى»، دەپ اتاپ ءوتتى ەلدىڭ سىرتقى ساياسات ۆەدومستۆوسىنىڭ باسشىسى.
جىلى شىرايلى كەزدەسۋ سوڭىندا ە. ىدىرىسوۆ بەلگىلى قوعام قايراتكەرى، ديپلومات، اقىن ولجاس سۇلەيمەنوۆتى ق ر سىرتقى ساياساتىنىڭ دامۋىنا قوسقان ۇلەسى ءۇشىن «ءنازىر تورەقۇلوۆ» مەدالىمەن ماراپاتتاپ، «قازاقستان رەسپۋبليكاسى ديپلوماتيا قىزمەتىنىڭ ەڭبەك سىڭىرگەن قىزمەتكەرى» ۆەدومستۆولىق ماراپاتىن باقىتجان ەسەنعاليەۆقا، قۋاتبەك تاجىبايەۆقا، اندرەي انتونەنكوعا، روزا ساۋرامبايەۆاعا، گۇلسارا بەردىعۇلوۆاعا، كلاۆديا ياكۋنيناعا تاپسىرىپ، ولارعا دەنساۋلىق، زور باقىت، بارشا تابىس جانە جاس قىزمەتكەرلەردى پاتريوتتىق تاربيەلەۋ مەن قازاقستاندىق ديپلوماتيانىڭ ۇزدىك داستۇرلەرىنىڭ ساباقتاستىعىن قامتاماسىز ەتۋ ىسىندە سارقىلمايتىن كۇش-قۋات تىلەدى.