ا ق ش-تا قازاقستاننان بالا اسىراپ العان تاعى ءبىر وتباسى ءىستى بولدى

 استانا. قازاقپارات -  ا ق ش-تا قازاقستاننان بالا اسىراپ العان تاعى ءبىر وتباسى ءىستى بولىپ جاتىر.
None
None

بۇل جولى تەحاستىق ەرلى-زايىپتى تيسسەندەر «وگەي ۇلدارىن 4 جىلعا جۋىق گاراجدا قاماپ ۇستاعان» دەگەن ايىپ تاعىلۋدا.

اقپاراتتارعا قاراعاندا، 22 جاستاعى كونستانتين تيسسەننىڭ پسيحيكالىق اۋىتقۋى بار. دەين مەن جەنيفەر ونى 12 جاسىندا 5-بالاسى ەتىپ اسىراپ العان ەكەن.

39 جاستاعى دەين مەن ونىڭ ايەلى جەنيفەر تيسسەن. ەكەۋى وتكەن اپتادا تۇتقىندالعان. فەدەرالدىق سوت مالىمەتىنە قاراعاندا، ولار وگەي ۇلدارىن 4 جىل سۋىق گاراجدا قاماپ ۇستاپ كەلگەن. باتىس باسىلىمدارىنىڭ مالىمەتىنشە، تيسسەندەر 22 جاستاعى كونستانتيدى   2004 - جىلى قازاقستاننان اكەلىپتى.

ريپ كوللينز، ادۆوكات:

- ءبىز ءوز تاراپىمىزدان، بۇل ايىپتاردىڭ نەگىزسىز ەكەندىگىن دالەلدەيمىز. ويتكەنى بۇل جىگىت قوعام ءۇشىن قاۋىپتى ەدى. سوندىقتان اتا-اناسى ونى قاماۋعا ءماجبۇر بولعان.

كونستانتيننىڭ جەرتولەدە جاتقانىنان كورشىلەر دە حاباردار ەكەن. ءبىراق ەشقايسىسى قۇزىرلى ورىندارعا حابار بەرمەگەن. قايتا سول تيسسەندەردىڭ ادۆوكاتىنىڭ ءسوزىن سويلەۋدە. ايتۋلارىنشا، پسيحيكالىق اۋىتقۋى بار جىگىت بىرنەشە رەت ۇرلىق جاساپ، قىز زورلاماق بولعان.

دەۆيد درەلل، كورشىسى:

- بۇل بالانى ءبىزدىڭ كوشەنىڭ قوعامدىق بىرلەستىگى تالاي مارتە قىزدارعا كۇش كورسەتكەن جەرىندە ۇستادى. الەۋمەتتىك قىزمەتكەرلەر دە ونى قاتاڭ باقىلايتىن.

ال كونستانتين تيسسەن پوليتسياعا بەرگەن تۇسىنىكتەمەسىندە، وگەي اكە-شەشەنىڭ ونى گاراجدا قاماپ قانا قويماي، اشتىقتا دا ۇستاناتىنىن ايتىپتى.

ەندى ەرلى-زايىپتالاردىڭ قىلمىسى دالەلدەنسە، كەمى 10 جىلعا سوتتالۋى مۇمكىن. ءبىراق، بۇگىن دەين مەن جەنيفەر ءارقايسىسى 70 مىڭ ا ق ش دوللارى كولەمىندە كەپىل اقشا تولەپ، ۋاقىتشا بوستاندىققا شىعىپتى.

بۇل ا ق ش-تا قازاقستاننان اسىراپ الىنعان بالالارعا قاتىستى تىركەلىپ وتىرعان ءبىرىنشى جايت ەمەس. بىلتىر عانا ەرلى-زايىپتى مەيوتتاردىڭ قازاقستاننان اسىراپ العان ۇلىمەن جانە قىزىمەن 5 جىل جىنىستىق قاتىناسقا تۇسكەنى اشكەرەلەنگەن. ەڭ سوراقىسى، ليندا مەيوت 17 جاستاعى وگەي ۇلىنان بالا دا سۇيگەن بولاتىن. كەيىن بۇل ەرلى-زايىپتىلار 22 جىلعا سوتتالدى.

ktk.kz

سوڭعى جاڭالىقتار