ۋكراين اسكەرى بۇلىكشىلەردىڭ قورشاۋىن بۇزىپ شىقتى

استانا. قازاقپارات - دونەتسك وبلىسىنىڭ لەنينسك اۋدانىندا 29 - ماۋسىم كۇنى رەسەيشىل سەپاراتيستەر تاعى ءبىر اسكەري ءبولىمدى باسىپ الۋعا ارەكەتتەنىپ جاتىر دەپ حابارلايدى «ينتەرفاكس»  اگەنتتىگى.
None
None

ۋكراينا ىشكى ىستەر ءمينيسترى ارسەن اۆاكوۆ Facebook تەگى پاراقشاسىندا ءوزىن- ءوزى جاريالاعان «دونەتسك حالىق رەسپۋبليكاسىنىڭ» وكىلدەرى ءۇش ايعا جۋىق ۋاقىت قورشاۋدا تۇرعان ۋكراين اسكەريلەرىنە قارۋلارىن تاستاپ، سەپاراتيستەرگە قارۋ- جاراق قويماسىن تاپسىرۋ تۋرالى ۋلتيماتۋم قويعان دەپ حابارلادى.

اۆاكوۆتىڭ ايتۋىنشا، كوماندير ءوز بۇيرىعىمەن قويمانى جارىپ جىبەرىپ، اسكەري ءبولىم تەرريتورياسىنان ۇلتتىق گۆارديانىڭ باستان- اياق قارۋلانعان 300 دەن استام ساربازىن اۆتوكولوننالارمەن الىپ شىققان. ۋكراين اسكەريلەرى سەپاراتيستەردىڭ بلوك پوستىن بۇزىپ ءوتىپ، اسكەري قوسىنعا قوسىلعان.

29 - ماۋسىم كۇنى انتي تەرروريستىك وپەراتسيانىڭ باسپا ءسوز ورتالىعىنىڭ وكىلى الەكسەي دميتراشكوۆسكيي «ۋكراينسكايا پراۆدا» باسىلىمىنا سەپاراتيستەر دونەتسكىدەگى اۋە قورعانىسى كۇشتەرىنىڭ ءبولىمىن باسىپ الىپ، بىرنەشە اسكەريدى تۇتقىنعا العانىن حابارلاعان.

ال «دونەتسك حالىق رەسپۋبليكاسىنىڭ» وكىلدەرى «ينتەرفاكس» اگەنتتىگىنە زەنيتتىك زىمىران كەشەنىن باسىپ العاندارىن ايتقان.

«اقپاراتتىق قارسىلاسۋ» توبىنىڭ دەرەگىنشە، لۋگانسك وبلىسىنداعى سچاستە قالاسىندا ۋكراين اسكەريلەرىنىڭ تىرەك پۋنكتىنە دە شابۋىل جاسالعان. ازىرگە ادام شىعىنى تۋرالى اقپارات جوق.

«ازاتتىق»

سوڭعى جاڭالىقتار