يزرايل پرەمەر-ءمينيسترى تاۋەلسىز كۇردىستان مەملەكەتىن قۇرۋ يدەياسىن قولدادى

استانا. قازاقپارات - يزرايلدىڭ پرەمەر- ءمينيسترى بينيامين نەتانياحۋ تاياۋ شىعىستا «يراك يسلام مەملەكەتى جانە ليەۆانتا» توبىنا قارسى ارەكەت ەتۋدى كۇشەيتۋ ماقساتىندا تاۋەلسىز كۇردىستان مەملەكەتىن قۇرۋ يدەياسىن قولدادى.

«كۇردتەر - ساياسي تۇراقتىلىقتى ۇستاپ تۇرا الاتىنىن جانە دەربەس مەملەكەت قۇرۋعا لايىق ەكەندىكتەرىن دالەلدەگەن جاۋىنگەر حالىق»، - دەپ مالىمدەدى يزرايل پرەمەرى.

 سونداي-اق، ول ءوز ەلىنىڭ يوردانيانى قولدايتىنىن اتاپ ءوتتى. يسلامشىلاردىڭ وسى ەل اۋماعىندا بولۋىنا كەدەرگى كەلتىرىپ، يزرايلگە قاۋىپ ءتوندىرۋدىڭ الدىن الۋ قاجەت دەپ اتاپ ءوتتى ب. نەتانياحۋ.

كۇرد ساربازدارى سولتۇستىك يراكتا جاقىندا بولعان ۇرىس كەزىندە كيركۋك قالاسىن ءوز باقىلاۋىنا العان بولاتىن.