ا ق ش-تا بوستونداعى لاڭكەستىك بويىنشا قازاقستاندىق ستۋدەنتكە قاتىستى سوت باستالدى

استانا. قازاقپارات - ا ق ش- تا بۇگىن 2013 - جىلدىڭ ساۋىرىندە بوستوندا ورىن العان تەررورلىق اكتىنى تەرگەۋگە كەدەرگى كەلتىردى دەپ ايىپتالعان قازاقستاندىق ستۋدەنت ازامات تاجاياقوۆقا قاتىستى سوت باستالدى، دەپ حابارلادى ي ت ا ر- ت ا س س.
None
None

قالالىق سوتتى القا بيلەردى ىرىكتەۋى وتەدى دەپ كۇتىلۋدە. ولاردىڭ الدىندا 20 جاسار تاجاياقوۆتىڭ تاعدىرىن شەشۋ مىندەتى تۇر. امەريكاندىق سوت تاجىريبەسىنە سايكەس، 12 نەگىزگى جانە بىرنەشە قوسالقى القا بيلەردى جيناۋ كەرەك. پروكۋرورلار مەن ادۆوكاتتار 7- شىلدە كۇنى كىرىسپە سوزدەرىن سويلەيدى.

ءتاجاياقوۆ پەن قادىربايەۆتىڭ ادۆوكاتتارى ب ا ق- تا ۇنەمى ەسىمدەرى جوھار سارنايەۆپەن بىرگە اتالعان كۇدىكتىلەرگە قارسى قاساقانا اركەت ەتپەيتىن القا بيلەردى تاڭداۋ وتە قيىن بولادى دەپ بولجاۋدا. وتكەن اپتادا بەلگىلى بولعانداي، تاجاياقوۆ ءوزىنىڭ كىنالى ەمەس ەكەنىن ايتىپ، تەرگەۋشىلەرمەن ىمىرالاسۋدان باس تارتتى. ەستەرىڭىزدە بولسا، سوت وعان ءوز ايىبىن موينىنا السا، جازاسىن جەڭىلدەتۋدى ۋادە ەتكەن ەدى.

«ءبىراق ول ءوزىنىڭ كىنالى ەمەس ەكەنىن بىلەدى. سوندىقتان ەشكىممەن ىمىرالاسپايدى»، - دەپ مالىمدەدى ايىپتالۋشىنىڭ قورعاۋشىسى مەتتيۋ مايەرس.

تاجاياقوۆقا قارسى سوتتا قادىربايەۆتىڭ تانىسى بايان كۇمىسقالي جاۋاپ بەرمەك. ول ف ب ر اگەنتتەرى بەلفورد قالاسىندا قادىربايەۆ پەن تاجاياقوۆتىڭ پاتەرىن تىنتىگەن كەزدە بىرگە بولعان.

كۇمىسقالي سوتتا جاۋاپ بەرسە، كەز كەلگەن ايىپتان بوساتىلاتىنىنا كەپىلدىك بەرىلدى.

سوڭعى جاڭالىقتار