ا ق ش-تا ەلدىمەكەن ساتىلىپ جاتىر

استانا.قازاقپارات - امەريكالىق كاسىپكەر سۆەتت دەپ اتالاتىن شاعىن عانا قالاشىقتى ساتىلىمعا شىعاردى.

ەلدىمەكەندەگى جالعىز ۇيدە لەنس بەنسوننىڭ ءوزى مەن ايەلى تۇرادى. قالعان عيماراتتار بوساپ قالعان. قالانىڭ باستاپقى باعاسىن كاسىپكەر 400 مىڭ دوللار دەپ بەلگىلەپتى. ءباسساۋدادان تۇسكەن قاراجاتتى ول جاڭا كاسىپكە جۇمساماق دەپ حابارلايدى Associated Press.

1940 - جىلى سۆەتت قالاسىندا 40 ادام ءومىر سۇرگەن. مۇندا ءوزىنىڭ پوچتا بولىمشەسى، بىرنەشە عيماراتتان تۇراتىن ۇيلەر جانە ازىق-تۇلىك دۇكەنى بولعان. جىلدار وتە ەلدىمەكەن تۇرعىندارىنىڭ سانى قىسقارا بەردى. ال، 1998 - جىلى ونى بەنسون تۇتاستاي ساتىپ الىپ، بۇرىنعى ايەلىنە سىيلاعان. الايدا، 2012 - جىلى سوتتاسىپ ءجۇرىپ ونى قايتا تارتىپ الدى.

 قازىر مۇندا بەنسون مەن ونىڭ ەكىنشى ايەلى عانا ءومىر سۇرەدى. قالادا ءدامحانا، شەبەرحانا جانە ءۇش ۇيشىك بار.

baq.kz