قازاقستان قول جەتكىزگەن ەكونوميكالىق جانە ساياسي رەفورمالار ازيالىق وڭىرگە كەرەمەت ۇلگى بولدى - تۇركيا رەسپۋبليكاسىنىڭ پرەزيدەنتى

استانا. قازاقپارات - تۇركيا - قازاقستاننىڭ تاۋەلسىزدىگىن ءبىرىنشى بولىپ مويىنداعان مەملەكەتتەردىڭ ءبىرى جانە تاۋەلسىز قازاقستاندا ەڭ العاش ەلشىلىك اشقان ەل.
None
None

قازاقستاننىڭ دامۋ جىلدارىندا تۇركيا رەسپۋبليكاسى ءارقاشان ارىپتەستىك تانىتىپ، ساياسي-ەكونوميكالىق بايلانىسىن نىعايتا ءتۇستى. وسى جىلدار ىشىندە ەكى ەل باسشىلارى بەرىك دوستىقتىڭ نەگىزىن قالاپ، تاتۋ قارىم-قاتىناستىڭ التىن دىڭگەگىن ورناتتى.

تۇركيا تاراپىنىڭ ادال نيەتى مەن قازاقستانعا دەگەن وڭ كوزقاراسىن، ەلباسىمىز ن. نازاربايەۆقا دەگەن قۇرمەتىن، باستامالارىنا قولداۋىن تۇرىك رەسپۋبليكاسىنىڭ پرەزيدەنتى ابدۋللا گۇلدىڭ ءار جىلدارى جازعان قۇتتىقتاۋ تەلەگراممالارى مەن حاتتارىنان اڭعارۋعا بولادى.

 «قازاقپارات» ەكى ەل دوستىعىنىڭ كۋاسىندەي بولعان وسى حاتتاردان ۇزىندىلەردى وقىرماندار نازارىنا ۇسىنادى.

ابدۋللا گۇل، تۇرىك رەسپۋبليكاسى پرەمەر-ءمينيسترىنىڭ ورىنباسارى، سىرتقى ىستەر ءمينيسترى (2006 - جىلعى يناگۋراتسيا كەزىندە جولداعان حاتتان)

«قازاقستان قول جەتكىزگەن ەكونوميكالىق جانە ساياسي رەفورمالار ازيالىق وڭىرگە كەرەمەت ۇلگى بولدى. الداعى جىلدارى نۇرسۇلتان نازاربايەۆتىڭ باسشىلىعىمەن ءسىزدىڭ ەل بۇدان دا تابىستى دامۋ مەن گۇلدەنۋ جولىنا تۇسەتىنىنە سەنىمدىمىن» .

ابدۋللا گۇل، تۇركيا پرەزيدەنتى

«ءسىزدىڭ كورەگەندىك باسشىلىعىڭىزبەن قازاقستان ۇلكەن جەتىستىككە جەتتى جانە حالىقارالىق قاۋىمداستىقتا ەلدىڭ بەدەلى ارتتى - بۇل ءبىز ءۇشىن ۇلكەن قۋانىش. قازاقستاننىڭ جەتىستىكتەرىن ءبىز ءوزىمىزدىڭ جەتىستىگىمىز دەپ سانايمىز جانە ونى ماقتان تۇتامىز».

ابدۋللا گۇل، تۇركيا پرەزيدەنتى (ە ى ق ۇ سامميتىنەن كەيىن ق ر پرەزيدەنتى جايلى بىلدىرگەن پىكىرى).

 «پرەزيدەنت ن. نازاربايەۆتىڭ ءرولىن، ە ى ق ۇ ءتوراعاسى ورىنتاعىنداعى باستاماسىن اتاپ وتكىم كەلەدى. سامميت بەت بۇرىستى ساتكە اينالۋى ءتيىس. قازاق ءتوراعالىعى - بۇل ورتالىق ازيانىڭ ءبىزدىڭ ۇيىمنىڭ كەلەشەگىن ايقىنداۋدا نەعۇرلىم بەلسەندى ءرول ويناۋعا ازىرلىگىنىڭ تاعى ءبىر مىسالى. نۇرسۇلتان نازاربايەۆقا كوشباسشىلىعى ءۇشىن العىسىمدى بىلدىرگىم كەلەدى.

پرەزيدەنت نازاربايەۆقا ءسامميتتى ۇيىمداستىرۋعا وراسان ۇلەس قوسقانى ءۇشىن العىس بىلدىرگىم كەلەدى. اڭگىمە قايشىلىقتى ەڭسەرۋ، ىنتىماقتاستىق نەگىزىندە جۇمىس ىستەۋگە ءبىزدىڭ ازىرلىگىمىزدى راستاۋ ءۇشىن بىرەگەي مۇمكىندىك جايىندا بولىپ وتىر».

ابدۋللا گۇل، تۇركيا رەسپۋبليكاسىنىڭ پرەزيدەنتى (ن. نازاربايەۆتىڭ 2011 - جىلعى سايلاۋدا جەڭىپ شىعۋىنا بايلانىستى جولداعان حاتىنان).

«سايلاۋ تىنىشتىق، اشىقتىق اۋانىندا وتكەنىنە قۋانىشتىمىن. ءسىزدى ەلدەگى جوعارى لاۋازىمعا سايلاي وتىرىپ، قازاقستان حالقى سىزبەن تاعى دا ۇلكەن ۇمىتتەرىن بايلانىستىردى.

ءبىز بارلىعىمىز ءسىزدىڭ كەمەل، كورەگەندىلىك ساياساتىڭىزدىڭ ارقاسىندا قازاقستان گۇلدەنگەن مەكەنگە اينالعانىنا كۋا بولدىق جانە ءسىزدىڭ ەلىڭىز كۇننەن كۇنگە حالىقارالىق ارەنادا بەدەلىن ارتتىرا تۇسۋدە. ءبىزدىڭ باۋىرلاس ەلدەر اراسىندا دوستىقتى نىعايتۋعا قوسقان ءسىزدىڭ جەكە ۇلەسىڭىزگە باعا جەتپەيدى. ءبىزدىڭ ستراتەگيالىق ارىپتەستىگىمىزدىڭ كەلەشەگى زور ەكەنىنە سەنەمىن».

سوڭعى جاڭالىقتار