09:07, 30 - ماۋسىم 2014 | GMT +5
ساياحاتتاۋشىلار ءۇشىن ەۋروپاداعى ەڭ قىمبات ەل انىقتالدى
استانا. قازاقپارات - Coldiretti كومپانياسىنىڭ جۇرگىزگەن زەرتتەۋلەرىنە سايكەس جەرورتا تەڭىزى باعىتىنداعى تۋريستەر ءۇشىن ەڭ قىمبات ەل انىقتالدى.

ول يتاليا بولىپ شىقتى. بۇل ەلدەگى مەيرامحانالار مەن مەيمانحانالاردىڭ باعاسى ەۋروپانىڭ باسقا ەلدەرىندەگىمەن سالىستىرعاندا 10 پايىزعا قىمبات، دەپ جازادى ر ي ا نوۆوستي.
زەرتتەۋ مالىمەتتەرىنە سايكەس بيىلعى جازدا تۋريستەر ءۇشىن ەڭ قولايلى چەرنوگوريا مەملەكەتى ەكەن. مۇندا تۋريستىك سەكتوردىڭ اسا دامىعاندىعىنا قاراماستان، ەۋروپا ەلدەرىمەن سالىستىرعاندا دەمالۋشىلار مەيرامحانالار مەن مەيمانحانالار قىزمەتى ءۇشىن 37 پايىزعا دەيىن از اقى تولەيدى. ال حورۆاتيا تۋريستەردىڭ قالتاسى ءۇشىن بۇدان 26 پايىزعا، پورتۋگالي - 23 پايىز، تۇركيادا 22 پايىز ارزانىراق تۇسەدى.
ايتا كەتەيىك، 2013 - جىلى ەۋروپا ەلدەرىنىڭ ىشىندە تۋريستەر كوپتەپ بارعان ەلدەر يسپانيا، گرەكيا مەن مالتا جانە پورتۋگاليا بولدى.