قازاقستان پرەزيدەنتىنىڭ كۋبوگى يسپاندىق فۋتبولشىلارعا بۇيىردى

استانا. قازاقپارات - قازاقستان رەسپۋبليكاسى پرەزيدەنتى كۋبوگىنىڭ فينالدىق جارىسىندا تۋرنيردىڭ ەكى مىقتى جاس وسپىرىمدەر قۇراماسى - گرۋزيا مەن يسپانيا كوماندالارى كەزدەستى.

 گرۋزيندەر سانتياگو دەنيمەن باسەكەلەسۋگە تىرىستى. ءبىراق ولار ەسە بەرمەدى، لۋكي گۋگەشاشۆيليدىڭ قاقپاسىنا التى رەت شابۋىل جاسادى.

يسپاندىق فۋتبولشىلار بارلىق كەزەڭدەردى شىنايى جەڭىسپەن اياقتادى. حەت-تريكتى دانيەل ۆيللانۋەۆا جاسادى. ونى ارىپتەسى كارلەز پەرەز قايتالادى. تاعى ءبىر دوپتى فرانچەسكو ۆيللالبا كىرگىزدى. گرۋزيا قۇراماسىنان كەزدەسۋدىڭ تەك 49-مينۋتىندا گەورگيي ارابيدزە ويناۋىنداعى ايىپ سوققىسى عانا ءساتتى شىقتى. كاۆكازدىق كوماندا قاقپاشىسى تىكەلەي سوققىمەن الەحاندرو سانتومانىڭ قاقپاسىن بۇزىپ ءوتتى.

ويىن اياقتالعان سوڭ العاشقى كوماندالار ۇشتىگى - يسپانيا، گرۋزيا، تاجىكستان سپورتشىلارىن سالتاناتتى ماراپاتتاۋ ءراسىمى ءوتتى.

قازاقستاننىڭ جاسوسپىرىمدەر كومانداسى تۋرنيردە ءوزىنىڭ سوڭعى ويىنىندا تاجىكستان كومانداسىنا جول بەرىپ، ءتورتىنشى ورىنعا جايعاستى: ويىننىڭ نەگىزگى ۋاقىتى تەپە-تەڭ - 1:1 ەسەبىمەن اياقتالدى. كاراماتۋللو سايدوۆتىڭ گولىنا قازاقستاندىقتار الىبەك قاسىموۆتىڭ ون ءبىر مەترلىك قاشىقتىقتان سوققىسىمەن جاۋاپ بەردى. ويىننىڭ سوڭعى مينۋتىنا دەيىن كونستانتين فرولوۆتىڭ قاراماعىنداعىلار جەڭىس گولىن سوعۋعا تىرىستى، ءبىراق ول ۇمىتتەرى اقتالمادى. قولا جۇلدە يەگەرلەرى پەنالتي سەرياسىندا ايقىندالىپ، تاجىكتەر 4:3 ەسەبىمەن ولاردى جەڭىپ كەتتى.

سونداي-اق ۇيىمداستىرۋ كوميتەتى نوميناتسيالار بويىنشا ۇزدىك ويىنشىلاردى اتادى.

سونىمەن، ۇزدىك قاقپاشى دەپ تاجىكستاننان بەحرۋز حايريەۆ، ۇزدىك قورعاۋشى - گرۋزيادان نيكولوزي كۋرشاۆيشۆيلي، ۇزدىك جارتىلاي قورعاۋشى - يسپاندىق فرانچەسكو ۆيللالبا تانىلدى. ۇزدىك شابۋىلداۋشىلار دانيەل ۆيللانۋەۆا مەن گەورگيي ارابيدزە بولدى. سونداي-اق ءتۋرنيردىڭ ۇزدىك ويىنشىسى يسپانيا قۇراماسىنىڭ كاپيتانى الەنا كارلەز اتاندى.

ءوز كومانداسىنىڭ كاپيتانى قۇقىعىمەن الەنا قازاقستان فۋتبول فەدەراسياسىنىڭ ۆيتسە- پرەزيدەنتى سەيىلدى بايشاقوۆتىڭ قولىنان ءتۋرنيردىڭ باس جۇلدەسىن الدى.