الەمنىڭ ساڭلاق ساياساتكەرلەرىنىڭ قازاقستان تۋرالى پىكىرلەرى

جاك شيراك، فرانتسيا رەسپۋبليكاسىنىڭ ەكس- پرەزيدەنتى:
مەن نۇرسۇلتان نازاربايەۆتىڭ قابىلەتى مەن قاسيەتىنە، كورەگەندىگىنە ءتانتىمىن. ول قانداي دا ءبىر ماسەلەنىڭ شەشىمىن قاراستىرعاندا، ونىڭ سول ساتتىك احۋالعا ەمەس، بولاشاققا تيگىزەر اسەرىن ويدان شىعارمايدى. ۇنەمى بولجام جاساپ وتىرادى. ەگەمەندىككە قول جەتكىزگەننەن باستاپ، قازاقستاننىڭ دامۋ جولىندا كوپتەگەن كەدەرگىلەر تۇردى.
ءبىراق مەملەكەت، ۇكىمەت ول كەدەرگىلەرگە توتەپ بەرە الدى. بۇگىندە قازاقستاننىڭ دۇنيەگە بەرەرى دە، الارى دا مول. بەيبىت ساياسات ۇستانعان قازاقستان كوپتەگەن عالامدىق شيەلەنىسكەن ماسەلەلەردىڭ شەشىمىن تابۋدا ۇلكەن ءرول اتقارۋدا.
حۋ جينتاۋ، قىتاي حالىق رەسپۋبليكاسىنىڭ بۇرىنعى ءتوراعاسى:
ش ى ۇ - ورتالىق ازياداعى وڭىرلىك ىنتىماقتاستىقتىڭ بارىنشا تابىستى مودەلدەرىنىڭ ءبىرى. الەم مويىنداعان، قالىڭ قاۋىم ساناساتىن، ەڭسەسى بيىك ۇيىم. 2001 - جىلى «شاڭحاي بەستىگى» شاڭحاي ىنتىماقتاستىق ۇيىمى بولىپ قۇرىلدى. بۇل نازاربايەۆتىڭ الەم تاريحىنداعى ەڭ ەلەۋلى ءرولى بولدى. سوندىقتان، پرەزيدەنتتەرىڭىزدىڭ، قازاقستاننىڭ الەم ارەناسىنداعى ورنى ەرەكشە.
حوسە لۋيس ساپاتەرو، يسپانيانىڭ بۇرىنعى پرەمەر- ءمينيسترى:
ەكونوميكالىق الەۋەتى جونىنەن قازاقستان ورتالىق ازياداعى ايماقتىق كوشباسشى. ال، وسىنىڭ ءبارى دەرلىك مەملەكەت باسشىسى نۇرسۇلتان نازاربايەۆتىڭ كورەگەن ساياساتىنىڭ جەمىسى، دەپ جوعارى باعالايمىن. بۇل كىسى ەلىنىڭ ەرتەڭى ءۇشىن ەرىنبەي ەڭبەك ەتىپ، ەرەن ەرلىك كورسەتە ءبىلدى. پرەزيدەنتتىڭ پارمەندى باعدارلامالارىن وزگە ەل باسشىلارىنىڭ پايدالانۋى ونىڭ اسقان ساياساتكەر ەكەندىگىن بىلدىرەدى.
«قازاقستان» ارناسى