13:40, 29 - ماۋسىم 2014 | GMT +5
تاۋلىك بويى جۇمىس ىستەيتىن «تۇركى الەمى» اتتى جاڭا تەلەارنا ىسكە قوسىلدى
استانا. قازاقپارات - تۇركى دۇنيەسىنىڭ رۋحاني الەمىن تانىستىراتىن «تۇركى الەمى» اتتى جاڭا تەلەارنا ىسكە قوسىلدى. قازاق جانە تۇرىك تىلدەرىندە حابار تاراتاتىن بۇل ارنا تاۋلىك بويى جۇمىس ىستەيدى.

وندا تۇركى حالىقتارىنىڭ تاريحى، مادەنيەتى، ونەرى، اۋەنى، ياعني مادەني جانە رۋحاني مۇرالارى تۋرالى حابارلار بەرىلەدى. سونداي- اق، قازاقستاننىڭ تۋريزم سالاسىنىڭ الەۋەتىن پاش ەتەتىن ماتەريالدار كورسەتىلەدى.
تەلەارنانىڭ عالامتورداعى مەكەنجايى - www.turkalemitv.com.
ايتا كەتەيىك، تەلەارنانىڭ ۇيىمداستىرۋشىسى - تۇركى حالىقتارىنىڭ مادەني قورى. ولاردىڭ كۇشىمەن شىققان «تۇركى الەمى» حالىقارالىق گازەتىنىڭ جارىق كورىپ كەلە جاتقانىنا بيىل 15 جىل تولىپ وتىر.
باسىلىم قازاق، تۇرىك جانە ورىس تىلدەرىندە شىعادى.