قازاقستان دۇنيە جۇزىلىك كەدەن ۇيىمى قارجى كوميتەتىنىڭ مۇشەلىگىنە قابىلداندى

بريۋسسەل. قازاقپارات - بريۋسسەلدەگى دۇنيەجۇزىلىك كەدەن ۇيىمىنىڭ كەدەندىك ىنتىماقتاستىق كەڭەسىنىڭ 123-124 - سەسسيالارى بارىسىندا قازاقستان د ك ۇ قارجى كوميتەتىنىڭ مۇشەلىگىنە قابىلداندى.
None
None

 بۇل تۋرالى ق ر قارجى مينيسترلىگىنىڭ كەدەندىك باقىلاۋ كوميتەتىنىڭ ءتوراعاسى عوسمان ءامرين ءمالىم ەتتى.

«ءبىز قازاقستاننىڭ حالىقارالىق دارەجەدە مويىندالۋىنىڭ يگى ءداستۇرىن جالعاستىرىپ جاتىرمىز. ق ر قارجى مينيسترلىگىنىڭ كەدەندىك باقىلاۋ كوميتەتى وسىمەن ءۇشىنشى رەت دۇنيەجۇزىلىك كەدەن ۇيىمىنىڭ جوعارعى ورگاندارىنىڭ ءبىرى - قارجى كوميتەتىنە سايلاندى» ، - دەدى ع. ءامرين.

ونىڭ ايتۋىنشا، ەلىمىزدىڭ بۇل مارتەبەگە يە بولۋىنا قازاقستاننىڭ حالىقارالىق دەڭگەيدەگى ابىروي- بەدەلىنىڭ جوعارىلىعى مەن بەلسەندىلىگى ءوز ىقپالىن تيگىزگەن. بۇل قازاقستان ءۇشىن د ك ۇ- نىڭ جيناقتاعان مول حالىقارالىق تاجىريبەسىنەن ۇيرەنۋگە مۇمكىندىك بەرەدى.

«مەن بۇل مۇشەلىگىمىزدىڭ بەدەلىمىزدى ارتتىرىپ قانا قويماي، اتالمىش حالىقارالىق ۇيىممەن تىعىز بايلانىستا جۇمىس جاساۋىمىزعا مۇمكىندىك بەرەدى دەپ سەنەمىن» ، - دەدى ع. ءامرين.

 كوميتەت باسشىسى سونداي- اق قازاقستاندىق كەدەن ۇيىمدارىنىڭ الدارىنا زور ماقساتتار قويا ءبىلۋ كەرەكتىگىنىڭ ماڭىزدىلىعىن العا تارتتى.

«الدىمىزدا الار اسۋلار بار، ونىڭ ىشىندە ۇيىمنىڭ ساياسي كوميتەتىنە كىرۋىمىز كەرەك. مۇمكىن بولاشاقتا ءبىز د ك ۇ كەڭەسىنىڭ قوسىمشا ءتوراعاسى، ءتىپتى، ءتوراعاسى بولۋ مارتەبەسىنە يە بولامىز» ، - دەدى قارجى مينيسترلىگى كوميتەتىنىڭ باسشىسى.

سوڭعى جاڭالىقتار