ەۋرووداق مولدوۆا، گرۋزيا جانە ۋكراينامەن قاۋىمداسۋ تۋرالى كەلىسىم جاسادى

استانا. قازاقپارات- ۋكراينا ەۋروپالىق وداقپەن اراداعى اسسوتسياتسيا تۋرالى كەلىسىمنىڭ ەكونوميكالىق ماسەلەلەرى بويىنشا بولىگىنە قول قويدى.
None
None

بريۋسسەلدە ۋكراينادان بولەك ەۋرووداق گرۋزيا جانە مولدوۆا مەملەكەتتەرىنىڭ باسشىلارى دا ءدال وسىنداي قۇجاتتى بەكىتتى.

كوپ كۇتكەن كەلىسىمدى ۋكراينا پرەزيدەنتى پەتر پوروشەنكو، ەۋروپالىق كەڭەس ءتوراعاسى حەرمان ۆان رومپەي جانە ەۋروپالىق كوميسسيا ءتوراعاسى جوزە مانۋەل بارروزۋ قابىلدادى. مانۋەل بارروزۋ بۇل قادامدى «باستاما عانا» دەپ باعالادى. الايدا ءتوراعا بۇل ءۇش ەلدىڭ ەۋروپالىق وداق قۇرامىنا ەنۋى تۋرالى ءتىس جارمادى.   

  ۋكراينانىڭ وداققا مۇشە بولۋ تاعدىرى ەندىگى كەزەكتە پارلامەنتتىڭ قولىندا. شىلدە ايىندا ۋكراينا پارلامەنتى بۇگىن بەكىتىلگەن كەلىسىمدى زاڭداستىرۋى ءتيىس. ودان كەيىن ەۋروپالىق وداق پەن ۋكراينا اراسىندا ەركىن ساۋدا اۋماعى ورنايدى. دەمەك، ۋكراين تاۋارلارىنا ەۋروپالىق نارىق ايقارا اشىلادى.   

  ەسكە سالايىق، اسسوتسياتسيا جونىندەگى كەلىسىم ەلدىڭ بۇرىنعى بيلىگى تۇسىندا، وتكەن جىلدىڭ قاراشا ايىندا بەكىتىلۋى ءتيىس ەدى. الايدا ءراسىم سول كەزدەگى بيلىكتىڭ ادىلەتسىز دەگەن ۇيعارىمىمەن توقتاتىلعان.    

 پەتر پوروشەنكو، ۋكراينا پرەزيدەنتى:   

 بۇل قادامنىڭ جاسالۋىنا ءتۇرلى جاعدايلار اسەر ەتتى. ەندى ەۋروپالىق وداقپەن اسسوتسياتسيا ءبىرتالاي رەفورمالارعا جول اشادى. ءبىزدىڭ ەل سوڭعى ۋاقىتتا ەۋرو وداققا مۇشە بولۋ جولىندا ءبىراز تاۋەكەل شىعىنعا باردى. ۋكراينا وداقپەن ەكونوميكالىق ينتەگراتسيا جانە ساياسي قاۋىمداسۋ جولىنا نىق تۇردى.  
  ازامات الدوڭعاروۆ 

 «استانا» ارناسى

سوڭعى جاڭالىقتار