ەگيپەتتەگى قازاقستاندىقتارعا دەمالىس ورىندارىنان جىراققا شىقپاۋعا كەڭەس بەرىلدى

استانا. قازاقپارات  - ەگيپەتتە بولعان تەراكتىگە بايلانىستى قازاقستاندىق تۋريستەرگە دەمالىس ورىندارىنان جىراققا شىقپاۋعا كەڭەس بەرىلدى.
None
None

ق ر يندۋستريا جانە جاڭا تەحنولوگيالار مينيسترلىگىنىڭ تۋريزم يندۋسترياسى كوميتەتىندەگىلەر وسىلايشا كەزەكتى ەسكەرتۋ جاسادى، - دەپ حابارلايدى Tengrinews.kz.

«25 - ماۋسىمدا كايردىڭ قاق ورتاسىندا ەكى ادام زارداپ شەككەن جارىلىسقا بايلانىستى تۋريزم يندۋسترياسى كوميتەتى ەگيپەتتە دەمالىپ جاتقان قازاقستاندىق تۋريستەرگە دەمالىس ورىندارىنان جىراققا شىقپاۋعا، لاڭكەستىك جانە قىلمىستىق قاۋىپى جوعارى قالا اۋدارىنان اۋلاق جۇرۋگە كەڭەس بەرەدى» - دەلىنگەن الدىن الا تاراتىلعان حابارلامادا.

ەسكە سالا كەتەلىك، اتالمىش كوميتەت الدىندا تايلاندقا ساپارلاپ بارۋشى وتانداستارىمىزعا بۇل ەلدەگى جاپپاي دۇربەلەڭ كەزىندە دە ۇنەمى ەسكەرتۋ جاساپ وتىرعان بولاتىن. سونداي-اق قازاقستان ازاماتتارىنا تاياۋ شىعىس ەلدەرىندەگى ەپيدەميولوگيالىق قاۋىپتەن دە ساقتانۋ ەسكەرتىلگەن. قازىر بۇل اۋماقتا تاياۋ شىعىستىق رەسپيراتور سيندرومىنىڭ (MERS- CoV) تاراۋى جالعاسۋ ۇستىندە.

«2014 - جىلدىڭ 20 - ماۋسىمىندا يوردانيادا وسى جىلدىڭ باسىنان باستاپ كورولدىك ازاماتتارى اراسىندا بەس ءولىم تىركەلگەن. اتالعان ەلدىڭ دەنساۋلىق ساقتاۋ مينيسترلىگىنىڭ مالىمەتىنشە، سەگىز جۇعۋ فاكتىسى تىركەلگەن. 2014 - جىلدىڭ 1 - توقسانىندا يوردانيادا الەمنىڭ ءارتۇرلى ەلىنەن 932 مىڭ تۋريست بولعان، ونىڭ ىشىندە قازاقستاندىقتار دا بار» - دەيدى كوميتەتتەگىلەر.

بۇگىنگى تاڭدا بۇل اۋرۋ ءتۇرى ساۋد ارابياسىندا، بىرىككەن اراب امىرلىكتەرىندە، كاتاردا، يوردانيادا، كۋۆەيتتە، ەگيپەتتە، يەمەندە،  ۇلى بريتانيادا، تۋنيستە، وماندا، فرانسيادا، گەرمانيادا، گرەتسيادا، يتاليادا، مالايزيادا، فيليپپيندە، ا ق ش-تا تىركەلگەن. ساۋد ارابياسىندا ەڭ كوپ كورىنىس بەرگەن: 573، ونىڭ 173 ى كوز جۇمعان.

سوڭعى جاڭالىقتار