10:46, 28 - ماۋسىم 2014 | GMT +5
ويىن بالالارى ەرتىس وزەنىنىڭ جاعاسىنان ادام سۇيەكتەرىن تاۋىپ العان
استانا. قازاقپارات - ادام سۇيەگىنىڭ قالدىقتارىن ءبىرىنشى بولىپ ەرتىس وزەنىنىڭ ماڭىندا دوپ تەۋىپ جۇرگەن بالالار كورگەن.

جەتكىنشەكتەر ءۇيىندى اراسىنان شىعىپ تۇرعان سۇيەك پەن تابىت قالدىقتارىن بايقاپتى. بەلگىلى بولعانداي، جەرگىلىكتى تۇرعىنداردىڭ ءبىرى ءۇيىنىڭ الدىنا جول سالماق بولىپ، بىرنەشە كولىكپەن توپىراق تاسىپ ءۇيىپ قويعان ەكەن.
بالالار تاۋىپ العان سۇيەكتەردى ءبىر شەلەككە جيناپ، ۇلكەندەرگە كورسەتپەك بولىپ ۇيلەرىنە اكەلگەن. ولار سونداي-اق ويناپ جاتقان جەرلەرىنەن ادامنىڭ تاعى 3 باس سۇيەگىن قازىپ العاندارىن ايتقان.
كورگەن جايتتان قورقىپ قالعان سەمەيلىكتەر بىردەن سانيتارلىق قىزمەت پەن ءتارتىپ ساقشىلارىنا شاعىمدانعان. قازىر ماماندار ادام سۇيەگى ارالاسقان توپىراقتىڭ قايدان اكەلىنگەنىن انىقتاپ جاتىر، دەپ حابارلايدى KTK تەلەارناسى.